Li Marseyesse (ime)

La Marseillaise

On tchantaedje filmé e 1907

Li Marseyesse (La Marseillaise), c' est l' ime nåcionå del France.

Si cåzaedje, c' est l' ouve da Claude Joseph Rouget de Lisle.

On n' est nén seur ki c' est lu k' a compôzé l' muzike, ca i n' a nén siné l' pårticion.

Istwere

Li tchant a stî scrît li 25 d' avri 1792, avou come tite « Chant de guerre pour l'armée du Rhin » (tchant d' guere po l' årmêye do Rén).

Paski des volontaires di Marseye l' avént tchanté tot moussant a Paris, li 30 di djulete del minme anêye, on l' kinoxha e l' mwaisse veye francesse come «L' ime des Marseyès», adonpwis «Li Marseyesse».

E l' France, dispu 2005, les scoles gårdyinnes sont-st oblidjeyes d' aprinde li Marseyesse ås djonnes sicolîs.

Kitoirdowe modêye e walon

On lomé Emile Lecomte sicrijha e francès ene kitoirdowe modêye vantant les Walons. El fijha parexhe e 1928 dins ene gazete houkêye « L'alliance wallonne ». Ci tecse la a siervou d' tcherpinte a on ratournaedje e walon scrît pa Jean-Pol Pirson e 2012, po-z esse tchanté al copinreye di Tchårnoe dlé Harsin.

Hårdêye difoûtrinne

so Wikisourd: Li Marseyesse des Walons (tecse del Rantoele sol redjårbaedje po les Walons)