Li Marseyesse (ime)

Èn årtike di Wikipedia.
Aller à la navigation Aller à la recherche

La Marseillaise

On tchantaedje filmé e 1907

Li Marseyesse (La Marseillaise), c' est l' ime nåcionå del France.

Si cåzaedje, c' est l' ouve da Claude Joseph Rouget de Lisle.

On n' est nén seur ki c' est lu k' a compôzé l' muzike, ca i n' a nén siné l' pårticion.

Istwere[candjî | candjî l’ côde wiki]

Li tchant a stî scrît li 25 d' avri 1792, avou come tite « Chant de guerre pour l'armée du Rhin » (tchant d' guere po l' årmêye do Rén).[1]

Paski des volontaires di Marseye l' avént tchanté tot moussant a Paris, li 30 di djulete del minme anêye, on l' kinoxha e l' mwaisse veye francesse come «L' ime des Marseyès», adonpwis «Li Marseyesse».

E l' France, dispu 2005, les scoles gårdyinnes sont-st oblidjeyes d' aprinde li Marseyesse ås djonnes sicolîs.

Kitoirdowe modêye e walon[candjî | candjî l’ côde wiki]

On lomé Emile Lecomte sicrijha e francès ene kitoirdowe modêye vantant les Walons. El fijha parexhe e 1928 dins ene gazete houkêye « L'alliance wallonne ». Ci tecse la a siervou d' tcherpinte a on ratournaedje e walon scrît pa Jean-Pol Pirson e 2012, po-z esse tchanté al copinreye di Tchårnoe dlé Harsin.[2]

Hårdêye difoûtrinne[candjî | candjî l’ côde wiki]

Wikisource-logo.svg so Wikisourd: Li Marseyesse des Walons (tecse del Rantoele sol redjårbaedje po les Walons)

Pî-note[candjî | candjî l’ côde wiki]

Commons
I gn a so les cmons Wikipedia des imådjes ou fitchîs son a vey avou l' l' Marseyesse .
  1. Li France revolucionaire vineut d' diclårer l' guere a l' impire d' Otriche.
  2. Li Rantoele l° 94, esté 2020, p. 17.