Li målignant (operå)

Li målignant, c' est èn operå comike e deus akes sicrît e 1789 pa Françwès Matî Hinnot.

Li pîce est rprinjhe avou les cwate pîces do teyåte lidjwès dins l' edicion di 1854 da F. Bailleux.

Li muzike est bråmint so des airs da Gretry.

Les persounaedjes

• Djåcmin (Jâcquemin): cinsî.
• Margot : femme do cinsî.
• Lorete : feye do cinsî.
• Matiasse : sôdård, fi do cinsî.
• Djihan-Mårtén : amoureus d' Lorete.
• Li sordjant : fré da Djhan-Mårtén.

Corwaitaedje del pîce

Motlî

Gn a bråmint des francijhas.

• I fåt k' Djhan Mårtén fiche li camp. On åreut polou aveur : "I fåt k' Djhan Mårtén stepe evoye".
• Li pôve pitite esteut tote dizolêye. On åreut polou aveur : "tote disbåtcheye", tote diloujheye.
• obeyixhoz. On åreut polou aveur : "schoûtez".
• Dj' avowe tot çoula.
• Alez l' consoler. On åreut polou aveur : "Alez aswadjî s' poenne".
• Dji tachrè di fé m' possibe. On åreut polou aveur : "Dji loucrè, dji sayrè".
• Nos serans ma fwè må campés. On åreut polou aveur : "må stampés".
• Sins on cretin air di timidité.
• Ni leyans nén impatienter m' popa !

Croejhete

Li scrijheu eploye li prono obdjet dirî l' aidant viebe

• vos n' voloz nén nos schoûter. On ratindeut "Vos n' nos vloz nén schoûter".

Idêyes et tuzance do scrijheu, veyåve dins l' pîce

• Li scrijheu fwait moussî del mitolodjeye greke : i cåze deus côps do diè (Måss). C' est ene sacwè foû råle ezès Belès Letes e walon

Måss dispôze di tot.

Li fi da Djunon si mete a rire del vey toumer li cou-z å hôt.

• I disfind les femes (kécfeye li prumî côp dins les Belès Letes e walon).

Dj' espere ki dvins ciste assimblêye.

I gn a nole feme ki s' åye måvlé.

C' est del minne, tot çki dj' a dbité.

Mins çou k' dj' a dit, i n' est nén l' vraiy.

Ca sins vozôtes, cwè çki ns serîz ?

Des leus, des oûsses et des mouftîs.