Li molén d' å Pré Bolet (roman)

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

coviete

Li molén d' å Pré Bolet, c' est on roman e walon, sicrît pa Jean Bosly, et k' a vudî e 1960 di l' eplaideu Duculot a Djiblou.

C' est puvite on roman sicolodjike.

Plaeçaedje dins li spåce et dins l' tins[candjî | candjî l' côde wiki]

Li roman si passe, come des ôtes sicrijhaedjes da Bosly, do costé Sovrin Wande. Li pré Bolet esteut dandjreus ene vraiye plaece, tot do long d' Mouze, e 19e sieke. Li foirt corant d' Mouze aveut schavé dins l' peret et fwait deus ptitès iyes, lomêye "li Dos" et l' ôte "li Grin". Li passaedje d' aiwe inte li rivaedje eyet l' iye di Grin sierveut d' a on molén. Li long do bî, c' esteut la, li pré Bolet.

Li sinne est datêye di 1888.

Tinmes[candjî | candjî l' côde wiki]

Gn a des tinmes diswalpés pa les cåzaedjes des persounaedjes, inte di zels, li rlidjon (nén rovyî ki Bosly a eto ratourné «l' Imitåcion d' Djezus-Cri») eyet l' politike.

Metans :

C' est målureus k' i gn åye el Beldjike on pårti ki s' dit catolike, k' a l' pouvwer lu tot seu, et ki n' fwaiye nén pus po li ptit. I dispréjhe toplin li rlidjon, la k' i s' dene, a toirt, on no ki n' divreut esse eployî ki po totes les belès cåzes. Les omes k' el riprezintè ont totafwait l' air di n' måy aveur léjhou l' prumire pådje di leu-z evandjîle ni les rcomandåcions des Påpes… (p. 18).