Li ptit rossea (froumadje)
Li ptit rossea (essegne comierciåle li p'tit rossê) est on froumadje walon prodût a Werbômont el province di Lidje.
Si no vént del coleur orandje di s' crosse. Il est fabriké el froumadjreye des Årdenes (fromagerie des Ardennes) ki s' trouve a Werbômont (comene di Ferire) dispoy 2001.
Discrijhaedje
[candjî | candjî l’ côde wiki]C' est on froumadje biyolodjike al mole påsse et al lavêye crosse. I peze 180 grames, a-st ene cwårêye cogne di 80 mm di costé et 30 mm spès. Li ptit rossea est on froumadje di crou laecea d' vatche. Si gosse ravize ene miete li doûs froumadje di Heve. Si crosse, di coleur orandje, est stritcheye di ptitès blankès royes.
Les biyolodjikès cinses del redjon fornixhèt al froumadjreye des Årdenes on foirt bon laecea. Ça fwait ki l' froumadje a rçuvou l' acertinaedje "AB" (agricoûteure biyolodjike).
Pol vinte a bokets, i gn a-st eto on rossea lomé grand rossea, di 210 mm cwåré et pezant 1300 grames.
Pris
[candjî | candjî l’ côde wiki]- li Cok di Crustå (Coq de Cristal) al fôre di Libråmont e 2000.