Libråmont (veye)

Libråmont (la-minme Libraumont ^{aschoûtez lu}; a Moirci, Librâmont ^{aschoûtez lu}, c' est èn ancyin ptit ban del Walonreye, divnou intité, e l' province do Lussimbork.

Istwere

Libråmont, ci n' esteut aprume k' on hamtea d' Sint-Pire-dilé-Libråmont. Divant çoula, c' ere onk des traze viyaedjes do ban di Tchvinî, sol Tere di Sint-Houbert.

Il a crexhou a pårti del gåre di tchmin d' fier, come pont d' resconte del voye Nameur-Lussimbork (1869) et Libråmont-Bietris (1882).

Po ça, i fourit disloyî d' Sint-Pire, et divni ene comene tote seule li 30 di djulete 1899.

Po tertos, c' est ene des pus grandès veyes del province di Lussimbork (avou Årlon, Måtche-el-Fåmene et Bastogne. Portant, i n' a djamåy yeu li tite oficir di «veye», et dmorer racsegnî come «viyaedje».

Tuzance walone

Sicrijheu e walon

• Jean-Claude Rigaux (vinou å monde a Floyîmont et k' î a stî mwaisse di scole tote si veye d' ovraedje).