Lignè

Loukîz a : Ligne (aiwe)

(wa) Lignè
(fr) Ligny

Pont d' armwereyes po Lignè (Detays)
Eglijhe di Lignè
Lingaedje oficir	Francès
Lingaedje coinrece	Walon do mitan
Limero diyalectolodjike	Na 41
Limero del posse	5140 (Asteure) 6338 (Davance)
Eplaeçmint	- Sombrefe - Arondixhmint di Nameur - Province do Nameur - Walonreye - Beldjike
Sitindêye	?
Peuplåcion	?
Dinsité	?
Coisse d' eure	ECG (ECG+1) / CEST (UTC+2)
Preficse telefonike	(+32) 071

Lignè (fr: Ligny), c' est èn ancyin ptit ban del Waloneye, rebané avou Sombrefe.

Demografeye

• Nombe di djins: 2500 (2004).^{(a-z aveuri)}
• Lomaedje des djins: Lignitwès, Lignitwesse.
• Sipotaedje des djins: les Soçons.

Djeyografeye

• raiwî pal Ligne
• metou a l' aschate del province di Nameur, do Hinnot, et do Roman Payis.

Istwere.

Li 16 di djun 1815, deus djoûs divant l' batreye di Waterlô, Napoleyon î wangna ene bataye conte li marixhå prûssyin Blücher. Gn a on muzêye ki rmimbere ciste apougnåde la.

Tourisse et foclore

Li passion d' Lignè s' î djowe dispu 1925, (mins nén di 1930 a 1947). Ele fourit metowe so pîs pa l' abé Mayeux et Joseph Vassart. Å cmince, ele si djouwéve e 6 tåvleas.

Gn a des roles di femes dispu 1960.

E 1966, elle est rprinjhe på redjixheu del dramatike.

Asteure, c' est 18 tåvleas, k' on pout aler vey tos les dimegnes do cwareme.

Tuzance walone

Prumire sicole di walon do payis d' Nameur, la k' gn a yeu des dames di scole k' ont dit k' on-z aléve fé do walon tins des eures normåles d' acsegnmint. Les scoles ont stî dnêyes di 1998 a 2001 pa Chantal Denis, avou l' aidance di Lucien Somme, prezidint des Relîs Namurwès. Les scoles di walon d' Lignè ont mostré:

1. ki sacwants efants, foirt ritårdjîs dins les ôtès brantches, estént les prumîs al sicole di walon, et, tot-z estant valorijhîs, rimontént par après dins les ôtès brantches.
2. ki des efants d' abagants (marokins) polént aprinde li walon ossu bén k' els ôtes.
3. ki les grands-parints, k' on lzî evoyive les efants po dmander des racsegnes, estént foû binåjhes k' on-z åye raskepyî on loyén inte ces deus djermêyes la (grands-parints eyet ptits-efants).

djowe del passion