Louis Bodart
Louis Bodart
portrait da Louis Bodart
| Skepiaedje | 17 d' octôbe 1864, Nameur |
|---|---|
| Moirt | 6 di decimbe 1942, Lidje |
| Ôtes nos | Templeber |
Il a skepyî a Nameur li 17 d' octôbe e 1864. Il a morou a Lidje li 6 di decimbe 1942.
C' esteut-st on scrijheu e walon.
Di s' mestî, il esteut ôrlodjî et opticyin.
Ouve pol walon[candjî | candjî l’ côde wiki]
Onk des prumîs scrijheus d' teyåte e walon do payis d' Nameur, avou s' prumire pîce, «Li calote da Zidôre». Li pîce fourit creyeye a Nameur li 19 d' octôbe 1889.
Après çoula, i ndè va co scrire 24 ôtes. C' est des meyes di djouwaedjes ki ses pîces ont yeu.[1]
Il a eto scrît sacwants monolokes et des tchansons so des airs da Ch. Antoine, ki ls eplaidive so foyous volants.
C' est lu ki meta so pîs li gazete e walon Li Cwârneu e 1904, et î scrire disk' a l' atacmint del guere di 14, la k' el gazete si djoca.
Hårdêyes difoutrinnes[candjî | candjî l’ côde wiki]
Vos trouvroz des racsegnes so les ouves da Louis Bodart, u les ouves zeles-minmes, so Wikisourd e walon.
