Louwis XIV

Louis XIV

Louwis XIV e costeume do sake

plake e latén sol meur do tchestea d' Bouyon

Louwis XIV, ([FR] Louis XIV), c' esteut on rwè d' France. Il a skepyî li 5 di setimbe 1638 å tchestea d' Saint-Germain-en-Laye ey a morou li 1î d' setimbe 1715 å tchestea d' Versailles.

Vicåreye

Louwis XIV, c' esteut l' fi d' Louwis XIII eyet d' Ane d' Otriche. Ès pere a morou timpe; ça fwait ki c' est s' mere ki ringna por lu.

I fourit rwè d' France do 14 di may 1643 å 1î d' setimbe 1715. Si ringne dura don 72 ans, li pus long di l' istwere di France.

Il evayixha l' Walonreye pask' i rclaméve des droets sol conteye di Tchini.

Did la li ratourneure e walon: payis d’ Tchini po ene plaece k' on n' sait nén trop å djusse wice k' elle est.

Rilomêye

I n' si prindeut nén po del pitite bire.

Il est sovint spoté li « Rwè-Solea » ([FR] Roi-Soleil). Li Solea, c' esteut l' simbole k' il aveut tchoezî po s' erprezinter. Il a organizé s' Cour rweyåle, tot s' metant al plaece do Solea, ey avou les ôtès djins del Cour åtoû d' lu, al mode des ôtès planetes ey estoeles.

Come dictateur, on rtént voltî cisse fråze ci : «l' estat, c' est mi !».

Sol plake e latén metowe e tchestea d' Bouyon, on l' lome «Louwis l' Grand, vinkixheu des princes».

• 
  tecse ricopyî del plake e tchestea d' Bouyon