Måjhon Rigo
Li Måjhon Rigo (e francès, li Maison Rigo), c' esteut ene grosse måjhon d' mwaisse di stîle neyo-mozan, ki s’ trovéve å limero 94a del avnowe Blonden, a Lidje. Elle a stî distrowe al difén d' l' anêye 2017, mågré k’ bråmint des djins li vlént schaper.
Istwere
[candjî | candjî l’ côde wiki]Cisse måjhon la a stî basteye e 1916. Elle a stî dessinêye pal årtchiteke Lucien Bécasseau, eyet s' prumî prôpietaire, c' esteut Léon Rigo, on pårlî ey on bankî lidjwès.
Sacwants materiås k' ont siervou pol Måjhon Rigo (come des tchminêyes, des båtcheyes…), c' esteut des ancyins materiås rapexhî dins des viyès måjhons do 17inme sieke ou do 18inme sieke.[1]
-
li Måjhon Rigo e 2016 -
l' erî del Måjhon Rigo (e 2016)
_-_1.jpg)
_-_2.jpg)
Distrujhaedje
[candjî | candjî l’ côde wiki]E moes d' djun 2016, li Veye di Lidje (k' esteut l' novea prôpietaire del måjhon) a dmandé on permis pol distrure. C' esteut po fé l' vude tot-autoû del novele tour des finances.
Adon, bråmint des djins estént mwaijhes ey ont vlou djoker cist afwaire la. I gn a yeu 4.000 djins k' ont siné ene peticion so les fis[2], des manifeståcions, eyet minme ene plinte å Consey d' Estat. Sapinse les disfindeus, li Veye di Lidje a payî on miyon d' euros po-z-acheter l' måjhon eyet èn ôte miyon pol distrure, çou k' est on teribe coschiraedje.[3]
Les disfindeus del Måjhon Rigo, c' esteut sortot deus associåcions : « SOS Mémoire de Liège » et « Le Vieux-Liège ». L' acteur di cinema Bouli Lanners esteut eto egadjî dins l' saye di schaper cisse måjhon la.
Mins, al difén, li måjhon a stî distrowe e moes d' djanvî 2018.
-
li distrujhaedje del Måjhon Rigo
Sourdant et pî-note
[candjî | candjî l’ côde wiki]
- ↑ « La maison Rigo, à Liège », dins Dérivations, lº 4, djun 2017, pp. 196-203. ISSN : 2466-5983.
- ↑ Benjamin Hermann, « Démolition de la maison Rigo: le coup de com’ de la Ville de Liège », dins L' Avni, li 25 d' awousse 2017.
- ↑ Philippe Bodeux , « Liège: “La Maison Rigo a du potentiel” », dins Li Swer, li 13 di djulete 2017.