Måjhon do Peupe

Èn årtike di Wikipedia.
Sauter à la navigation Sauter à la recherche
Tchanson "Pol måjhone do Peupe"

Ene Måjhon do Peupe (e lidjwès Mohone dè peûpe), c' est on bastimint la k' les ptitès djins si polént rashonner.

Li prumî mecanisse, c' esteut des djins ki s' metént eshonne po-z atchter des martchandeyes eshonne. Po çoula, i s' ont dvou bate disconte des patrons, paski dvant çoula, il estént oblidjîs d' atchter å magazin do patron.

Li prumire måjhon do peupe el Walonreye a stî amontêye a Djolimont e 1872. Adonpwis, divins bråmint des comenes del provinces di Lidje et do Hinnot. Aprume dins les viyaedjes et veyes la k' i gn av' des houyires des pirires u des ôtès cårires, des ovroes et des oujhenes di totes les sôres.

Après l' atchtaedje eshonne, les måjhons do peupe ont siervou a s' rashonner la wice kel patron n' elzès vénreut nén schoûter.

Cwand gn a yeu des wangnes al coperative, il ont fwait on cåbaret ki s' a lomé cafè do peupe u måjhone do peupe.

Ci n' est k' après l' Walonreye k' i n a yeu des måjhons do peupe el Bijhe di France.

Emile Vandervelde a recoraedjî li rdiswalpaedje après l' guere di 14. Tins del guere, n aveut pupont d' martchandeyes, les måjhons do peupe s' ont retroclé. Après l' guere, l' assoçnaedje des coperatives a dmoré dizo l' no di "Union coopérative", la ki totes les ptites coperatives ont-st apoirté leus avwers.

On magnive meyeu tins al Måjhon do peupe; ça fwait k' les catolikes ont-st amonté des coperatives catolikes, come l' "L'économie Populaire", le "Bien-être". Les cåbarets si lomît "Cekes catolikes".

On n' poleut nén vinde del gote dins les måjhons do peupe (lwè Vandervelde). Li cårbartî si loméve "limonådî". On fjheut cinema, n aveut des bibiotekes, des scoles, envd.

Les dierinnès måjhons do peupe ont toumé djus dins les anêyes 1980, di cåze do candjmint do vicaedje (grands botikes, vweteures, totès amuzmints).

Ene pårteye do traeyin culturel des måjhon do peupe serè rprins pa les Aisses del Tuzance.

Måjhon do Peupe foû del Walonreye[candjî | candjî l' côde wiki]