Måtche-les-Dames

Èn årtike di Wikipedia.

Måtche-les-Dames (fr: Marche-les-Dames) est èn ancyin ptit ban del Walonreye, rebané avou Nameur.

  • Limero del posse: 5024 (vî limero 5136)
  • Limero diyalectolodjike: Na 62

Istwere[candjî | candjî l’ côde wiki]

Å 15inme sieke, a Måtche s’ ont ashiou des novelès moennesses, ki vnént d’ Lidje. Ele ont metou so pî ene rifôme mostiresse ki s’ a spårdou pattavå el Walonreye divins les ôtes moustîs. Li dierinne moennesse a morou e 1856. Adon l’ abeye a divnou scole di zinglêyès båsheles. Ene des dames di cisse sicole vike co, dilé l’ abeye, disk’ ouy.

E 1950 a skepyî ene novele congregåcion di moennesses, les Sours di Betleyem, k’ ont fwait raviker l’ abeye. Al fén do 20inme sieke, li royinne di Beldjike elzî a dné del tere e Flande, po basti on novea moustî, ey adon ele sont-st evoye. Ouy vike divins l’ abeye ene soce do Canada, «Madonna House».

Cial a stî trové l' coir do Roy Ålbiet I.

C' est a Måtche-les-Dames k' a morou l' Roy Ålbiet I, cwand i gripéves åzès rotches; si coir a stî trové el 17 di fevrî 1934.

Industreye[candjî | candjî l’ côde wiki]

Li fosse eyet l' fabrike di croye.

Ås vîs timps, li viyaedje aveut cénk foidjes, k’ ene apårtina a l' abeye. On côp k’ ons a fwait l’ fosse, ons a metou a Måtche ene fabrike di croye, k’ est la disk’ asteure. E 1961 i gn aveut dijh industreyes a Måtche. Ouy i gn a kel fosse et l’ croye.

Commons
Commons
I gn a so les cmons Wikipedia des imådjes ou fitchîs son a vey avou Måtche-les-Dames .