Michel Renard

Skepiaedje	18 di setimbe 1829, Brinne-l'-Alou
Moirt	10 di djun 1904, Brussele
Activités	scrijheu

WIKIDATA

Michel Renard a skepyî e 1829 a Brinne et mori e 1904 a Brussele.

C' esteut on scrijheu e walon, curé di s' mestî. Ses scrijhaedjes ont come sourdant li foclore di Nivele.

Ouve e walon

I scrijha, estant tot djonne, "Les avinteures di Djan d' Nivele, el fi di s' pere" (1857). Après, c' est l' "Argayon, el Djeyant d' Nivele", li paskeye di l' adjeyant d' Nivele, sicrîte e des vers di doze pîs. Gn ourit 3 modêyes di l' Argayon, di 1338, 2108 eyet 3530 vers. Li dierinne modêye avou 12 tchants dene tos les pondants et les djondants do floriconte di l' Argayon, tél k' on l' kinoxheut a Nivele et dins l' payis d' avårla.

Li dierin scrijhaedje da Michel Renard fourit on tecse so Brinne, mais k' i n' a sepou fini.

Li scrît walon da Michel Renard

Dins "Les avinteures di Djan d' Nivele", Michel Renard, en esprès, prind des mots, et minme des codjowaedjes di totes les coines do Roman Payis (çou ki fwait k' il est onk des prumî rfondeus). Après, po "L' Argayon", i rvént å pårlaedje di Brinne.

Hårdêye difoûtrinne

Pådje di l' Argayon.
Li Wiccionaire si rsieve di sacwantès fråzes da Michel Renard po-z enimådjî des mots k' i gn a.