Makêye

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "makêye", alez s' vey sol Wiccionaire

Pol discramiaedje des årtikes avou l' mot "stofé", loukîz cial
makêye di cinse dins ene barkete di plastike

Li makêye ou blanc stofé, c' est on froumadje foirt simpe, k' on fwait tot leyant l' laecea on djoû ådzeu del sitouve (50-60 digrés). Adon-pwis, cwand il est prins, on l' mete dins on fén drap (ene sitamene) et on l' sigote.

Vindaedje[candjî | candjî l' côde wiki]

blanc stofé dins ene cloyete (Rif, Marok)

Divinltins, les martchandes di makêye vinént dins les veyes po vinde leu martchandeyes, k' ele tinént so leu tiesse, so ene pitite volete di hårdêyes.

Asteure, les makêyes di cinse sont vindowes dins des barketes di plastike.

Å Marok, dins l' Rif, on les prezinte dins ene cloyete di pålmî nin.

Cwålités nourixhreces[candjî | candjî l' côde wiki]

Li makêye est rcwerowe pa les cenes et les cis ki vlèt maigri, veyanmint k' i gn a waire di cråxhe. Did la, li tchanson da Mimile:

Po moussî dins on bikini / Ele si frè scroter, ele si frè mori. (…) Al måjhone, on magne do stofé, Des pemes tchitcheyes et des sorets.[1]

Dins l' lingaedje walon[candjî | candjî l' côde wiki]

On l' eploye come modele di blankeur del pea (blanc come ene makêye, blanc come on stofé).

Li ratourneure «ragoter les makêyes» vout dire piede si tins a canler (tot djhant k' on boute tot waitant ås makêyes ki sgotèt. C' est l' resploe d' ene tchanson des «Droles di Lodjeus». leyî goter les makêyes vout dire: prinde si tins, èn nén esse pressé.

Sourdant[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou les makêyes .
  1. Tchanson "Weight watching", cåzaedje da Philippe Antoine