Mame (tchanson da Mignolet)

Èn årtike di Wikipedia.

Mame, c' est ene tchanson e walon ki l' cåzaedjisse, c' est Djôzef Mignolet, et l' compôzeu, Marcel Batta.

Tecse[candjî | candjî l’ côde wiki]

Al shijhe po fé nanner s’ cint-meye
Li mame foirdjeye des sots resploes
Et s’ fi tot l’ schoûtant cwite nosse veye
Po bate carasse e grand bleu cir

Å son del muzike tot s’ alome
I ploût des rôzes et des feus-d'-li
Et l’ efant k’ voleut esse èn ome
S’ edwoime et sondje å paradis.

Mame ! C’ est on grand no
K'a-st on ptit gosse di låme
Mame ! C' est l' seû solo
Ki fwait souwer les pus grossès låmes
Mame ! C' est l' andje do cir
Ki l' Bon Diu mete so nosse voye
Mame ! C' est l' doûce mårtire
Ki prind totes nos poennes et ki dene ses djoyes.

Pus tård, si ene måle doleur nos blesse,
Å pont k’ nos vôréns bén mori,
Li mame nos rschape divins ses bresses
Et nos hosse come cwand ns esténs ptits.
Tot schoûtant çou k’ ele nos raconte,
Paroles k’ ele cwirt e fond di s’ cour
Adiu totes les laideurs do monde
Et nos rcroeyans-st ås mots d’ amour.

å resploe

Efant, n’ f(ijh)oz måy plorer vosse mame;
Si veye fout-st on tier di doleurs;
On tier ki catcha bén des drames
Dizo ses troes såvadjès fleurs.
Fiestixhoz l’ come tins d’ vosse djonnesse;
Pus tård si vs avoz kéke hatcha,
Ele respecteyrè vosse blanke tiesse,
Tot s’ rapinsant s’ boune viye mama.

å resploe

Hårdêye difoûtrinne[candjî | candjî l’ côde wiki]

Tecse e Feller