Mandarin

Èn årtike di Wikipedia.
Mape del Tchine levantrece. E brun clair, on voet l' plaece ewou ç' ki l' mandarin s' a diswalpé. Li rfondou mandarin est basti a pårti des cåzaedjes d' après Pekin.

Li mandarin e-st on lingaedje del famile do chinwès. I s' a diswalpé, å cmince, el Chine bijhrece. E chinwès, on l' lome "putonghua" 普通话/普通話 ("kimon cåzaedje") ou "hanyu" 汉语/漢語 ("lingaedje des Hans"). A Taiwan, on l' lome eto "guoyu" 国语/國語 ("lingaedje nacionå").

C' est l' lingaedje k' on djåze li pus sol daegn, ca i gn a houte di 800 miyons d' cåzeus.

On l' lome sovint "chinwès", ca li rfondou chinwès d' enute s' aspoye aprume sol mandarin. C' est cisse sôre la di chinwès k' a divnou oficire et k' on s' e sieve dins les siervices do goviernumint, dins les scoles, dins les medias, evnd.

Li mandarin lu minme pout esse riwaitî come on rfondaedje des pårlers d' après Pekin, k' est l' mwaisse veye dispu di pus d' meye ans. C' est les cåzaedjes di cisse coine la do payis, di pus ki l's ôtes, ki nourixhèt co todi ådjourdu li rfondou chinwès.