Marcel Fiasse

Marcel Fiasse, c' est on scrijheu e walon ki note l' accint d' Falå.

Onk di ses tecses

Dins l' arimé ki shût, i pretche po l' wårdaedje-eshonne del Beldjike:

Dimorans Bedjes

Dispoy dedja bén des anêyes,

On djåze foirt di separåcion

Inte les Flaminds et l' Walonreye.

Po bråmint, c' est leu plan d'accion.

Li veye d' asteure, ele nos troubele;

I n' a pus k' des målès noveles

Ca cial et la, ci n' est k' tchômaedje,

Et on pô pus lon, c' est l' araedje.

On direut ki tolmmonde si cwire,

Et sins sepi çou k' i fåt dire.

Pocwè nos vout on separer

Po viker la, tchaeke di s' costé ?

Nos tåyes ont disfindou l' payis,

Tertos eshonne, Flaminds, Walons,

Triviè totes les bales di l' innmi

Po disfinde la nosse bea fanion.

On n' pout nén rnoyî leus accions;

Disfindans nosse fraternité

Inte les Flaminds et les Walons

Po co viker e l' unité.

Nos n' volans nén divni francès,

Ni les Flaminds des Holandès;

Nos volans wårder nosse patreye

Wice k' i n a eco tote nosse veye.

K' on fwaiye fé on referandom

Po fé vôter nosse peuplåcion,

Ca po-z afronter l' grande Urope,

Fårè-t esse foirt, et comprinde tot.

Ki nosse bea drapez flote todi

La, triviè nosse pitit payis.

Po nos efants et leu-z avni,

Ki l' vraiy bouneur poye co rivni.