Maurice Carême

Pol discramiaedje des årtikes avou l' mot « Carème », loukîz cial.

Maurice Carême a skepyî a Wåve li 12 di may 1899 ey a morou a Anderlek li 13 di djanvî 1978.

C' esteut on rlomé powete di Walonreye ki scrijheut e francès.

I scrijheut voltî des bokets a môde do scrijhaedje des efants ey il a tchanté l' Roman Payis.

Sacwantès ouves

Des ramexhnêyes d' arimés:

• Poèmes de gosses (1933)
• Mère (1933)

Gn a bråmint d' ses powezeyes ki fourît metowes e muzike.

Ratournaedjes e walon

Ratournaedjes di powinmes po ls efants des Relîs Namurwès (2024)

• Franz Dewandelaer a rmetou l' live Mère e-n aclot, aviè 1938. Li papîscrît est wårdé al BDW, dins l' dossî Piron, et 7 des 32 powinmes (les 1î, 8, 22, 28, 29, 31 et 32inmes) ont stî eplaidîs pa Jean Guillaume dins ses Œuvres complètes (1970)
• Lucien Léonard a rmetou l' tot prumî des powinmes do minme live e walon d' Annvoye ; il a stî eplaidî dins les Cahiers wallons
• Jean Rode a rmetou e walon 12 powinmes do minme live (les 3, 5, 7, 8, 12, 15, 18, 26, 28, 31, 32 et 25inmes) et les a eplaidî dins s' ramexhnêye Bondjoû (1976)
• Les Relîs Namurwès ont-st eplaidî deus lives di powinmes a l' après da Maurice Carême :
  • Maurice Carême (trente poésies pour jeune public) (2024)
  • Maurice Carême en wallon. Poèmes francophones traduits en wallon (Tétras Lyre, 2025)

Hårdêye difoûtrinne

Èn arimé da Maurice Carême (li 25inme powinme di Mère, « A cwè djouwîz vs, don, mame »), ratourné e walon pa Jean Rodes (so l' Aberteke)