Messe (ofice)
Li messe (on dit eto: ucaristeye), c' est l' mwaisse ofice del rilidjon crustinne.
Disrôlmint d' ene messe
[candjî | candjî l’ côde wiki]Li messe kimince pa sacwants lijhaedjes et tchants.
Åzès messes d' après l' concile Vatican II, gn a troes lijhaedjes. Onk do Vî Testamint, onk do Novea (foû des evandjîles), pu on boket d' evandjîle. Sovint, c' est ene djin ordinaire ki vént lére les deus prumîs lijhaedjes, et l' curé lét l' evandjîle. Dispu les anêyes 2020, minme on layik pout lére l' evandjîle.
Adonpwis, gn a sovint on pretchmint.
Pacô, après l' pretchmint, kékes fideles vegnnut lére des sohaitaedjes (priyires po tertos).
Li messe tchereye avou l' consecråcion. C' est l' seule pårteye del messe k' i gn a ki l' curé k' a l' droet d' fé.
Shût l' comunion, po les cis ki volnut. Davance, li curé meteut l' osteye sol linwe des djins k' î alént. Dispu Vatican II, i dene l' osteye dins l' mwin des djins, k' el poitnut zeles-minmes e leu boke.
Li messe e latén finixheut pås mots «Ite missa est» (li messe est foû).
Sacwantès sôres di messes
[candjî | candjî l’ côde wiki]- basse messe : sins tchansons
- grand-messe : avou des tchansons
- messe d' etermint
- messe des trepassés
- messe e walon
- messe e meynute
Hårdêyes difoûtrinnes
[candjî | candjî l’ côde wiki]- Tecses di messe e walon (ratournés pa Gilles Monville)
Boket d' ene messe e walon a Bastogne (sol Tévé walon-cåzante)- so Wikisourd
so Wikisourd: Priyire po tertos : egzimpe di priyire po tertos (messe di Noyé)- so Wikisourd: Disbatijhaedje : rujhe d' èn efant k' on oblidje a-z aler a messe et ki n' croet nén.
