Mont Mgoun

(dins l' fond)

Li Mont Mgoun (e-n amazir «ⵉⵖⵉⵍ ⵎⴳⵓⵏ», irhil mgon; oudonbén «ⵉⵖⵉⵍ ⵎⴳⵯⵏ», irhil mgʷn, divant-bresse do Mgoun), c' est ene montinne del tchinne di Grand Atlasse, e Marok.

C' est l' cwatrinme pus hôte cresse (4.071 metes).

Il a ça d' rilevåve : il a-st ene longue plate cresse k' on s' pout pormoenner d' on dbout a l' ôte.

Lomaedje

d' inte Imin n Ifri et Ayites Blal

Veyou do vå do Dadesse (Skoura, Cazere des Mgouna), li payis del tribu des Mgouna, li Grand Atlasse fwait come on bresse po lzès disfinde. Li cresse, c' est li dvant-bresse (ⵉⵖⵉⵍ, ighil).

Tourisse

Les roteus el hôte montinne el polnut aboirder a cmincî do vå des Ayites Bougmesse. Po n' nén esse prins pal nive, i fåt monter inte li moes d' djun et l' moes d' awousse. Come li cresse est plate, des bons roteus, nén alpinisses, savèt griper disk' al copete. Mins i n' fåt nén esse court d' alinne, ca l' ocsidjinne î est rastrindou.