Vå des Ayites Bougmesse

Èn årtike di Wikipedia.
Aller à la navigation Aller à la recherche
Disambig.svg Pol discramiaedje des årtikes avou l' mot « Ayites Bougmesse », loukîz cial.
ⵉⵖⵉⵍ ⴰⴳⵓⴷⴰⵎⵏ vå des Ayites Bougmesse.JPG
Måjhon a môde di casba, rifwaite avou ene tcherpinte di beton, so l' eplaeçmint del viye casba d' Ichogen, e fén mitan del vå)

Li vå des Ayites Bougmesse, c' est ene valêye touristike metowe e mîtrin Grand Atlasse (Marok) ocupêye pa les djins do minme no (e cmon amazir marokin ⴰⵢⵜ ⴱⵓ ⴳⵎⵎⴰⵣ, ayt bo gemmæz Loudspeaker.svg aschoûtez lu).

Administråcion[candjî | candjî l’ côde wiki]

Li mwaisse viyaedje, c' est Tabane. C' est don l' cinte del comene des Ayites Bougmesse. Mins c' est ossu l' cayida po cisse comene la, et pol comene vijhene des Ayites Bou Oulli.

C' est la ossu k' gn a l' brigåde di djindåmreye po les deus comenes.

Ele rileve del province d' Azilal.

Djeyografeye[candjî | candjî l’ côde wiki]

Aiwes[candjî | candjî l’ côde wiki]

Metou so l' aiwe do minme no, ki rçût l' aiwe d' Ayite Imi å mitan del vå. Pu cori eviè Agouti.

Viyaedjes[candjî | candjî l’ côde wiki]

Montinnes[candjî | candjî l’ côde wiki]

Economeye[candjî | candjî l’ côde wiki]

Agricoûteure et aclevaedje[candjî | candjî l’ côde wiki]

L' aclevaedje des gades et des bedots ki paxhèt dins l' montinne. Ces-ci sont lomés Tirehaline (berbis voyaedjeuses). Tchaeke viyaedje a ene pårteye del montinne po wårder ses tropeas, et tchaeke famile ene pårteye des åbes k' i sbouxhèt po nouri l' tropea les termenes di setcheur.

Gn a eto ene vatche u deus a tchaeke manaedje. Dispu les anêyes 2010, c' rest totès croejheyes frizones (cabolêyes-noeres). Elle ont replaecî les Brunes di l' Atlasse.

Tchaeke måjhon a èn ågne u on moulet, ostant po les tcherwaedjes ki pol poirtaedje di totès sôres.

Les culteures: oidje u frumint (ki l' awousse si fwait e moes d' awousse); pu adon, ene deujhinme coûteure (canadas u poes d' trouk).

Li plantisse di pemîs a cmincî diviè 1995, et ocupe ene grosse mitan des tchamps. Gn a eto des pixhîs, des biyokîs des tchersîs (dispu 2015) et des djaeyîs (dispu todi).

Tourisse[candjî | candjî l’ côde wiki]

Djîsse lomé «Måjhon del lune»

Les djîsses e viyaedje ont cmincî e 1988. Les djins do payis ont stî scolés å totes les coirnêyes di l' industreye touristike.

Ene sicole di guides del nateure (pol hôte montinne) a stî basteye e 1982. Les prumîs scolîs rexhît e 1985. Elle a stî clôse e 2017 (ele a bagué a Warzazate).

Li tourisse a crexhou, pu discrexhe avou les disduts eternåcionås (guere del gofe, terorisse). Portant, e 2018, on contéve co 52 djîsses (7 a Agouti, 5 a Talsennante, 2 a Timite, 3 a Aguerde n ouzrou, 1 a Ichouguene, 5 a Imelrhasse, 5 a Iscattafel, 7 a Ighf n Ighir, 2 a Ifrane, 4 a Zawiyate Walemzi, 2 a Tabane, 6 a Ayites Imi, 1 a Ibaqelliwen, 2 a Ribate).[1]

Alére[candjî | candjî l’ côde wiki]

Karin Huet & Titouan Lamazou; Onze lunes au Maroc, Gallimard, 2012, ISBN 978-9954-03764-5.

Sourdant[candjî | candjî l’ côde wiki]

Commons
I gn a so les cmons Wikipedia des imådjes ou fitchîs son a vey avou l' vå des Ayites Bougmesse .
  1. Racsegnes da Ali El Ouakoumi, guide di mestî dispu tot djonne, a Uzeu:Lucyin, li 21 di djanvî 2018.