Michael Schumacher

Èn årtike di Wikipedia.
Michael Schumacher (2010)

Michael Schumacher (riwalnijhåve Mitchî Choumake[1], on pô come ses près-soçons diynut Choumi), c' esteut on coreu en oto d' coûsse di Formule I.

Il a skepyî li 3 d' djanvî 1969 e l' Almagne.

Cårire[candjî | candjî l’ côde wiki]

L' ome a cminçî a cori e F1 e 1991. C' esteut po l' ecureye Benetton. E 1996, il a candjî po ndaler avou les Ferrari.

Il a yeu set tites di tchampion do monde. Il a wangnî 91 Grands Pris, inte did zels li ci d' Francortchamp e 1992 (si prumire victwere), 1995, 1996, 1997 2001 et 2002. C' est lu ki l' a wangnî li pus d' côps avou Lewis Hamilton.

Si dierinne victwere fourit a Shanghai e 2006.

Il a stî 154 côps sol podiom.

E 1994, il a wangnî 13 Grands Pris sol minme såjhon.

Il a metou ahote a s' cårire li 22 d' octôbe 2006 a Sao Paulo e Braezi.[2]

Vicåreye[candjî | candjî l’ côde wiki]

Li 29 di decimbe 2013, il a yeu on foirt laid accidint di ski, et manker d' î leyî ses hozetes.[3] Ès feme ni dene nén bråmint d' noveles. Tolminme k' elle a dit, e 2022, k' ès-n' ome a divnou diferin dispu ès-n' accidint.[4]

Sourdants et pî-notes[candjî | candjî l’ côde wiki]

  1. Po des linwincieusès racsegnes sol mot "choumake" (li ptit no walon k' est l' minme mot k' el no d' famile "Schumacher"), alez s' vey sol Wiccionaire
  2. Jean Goffart "Mitchî do Choumake", Li Rantoele l° 41, bontins 2007
  3. https://www.sudinfo.be/id638059/article/2023-03-22/michael-schumacher-sa-femme-corinna-prisonniere-depuis-laccident-elle-na-pas
  4. https://www.express.co.uk/news/world/1171248/Michael-Schumacher-health-update-where-is-Michael-Schumacher-now-walk