Mimoza d' Espagne

Èn årtike di Wikipedia.
fleurs

On mimoza d' Espagne, c' est on bouxhon des payis del Mîtrinne Mer, avou toplin des belès djaenès fleurs. Portant, i pout crexhe dipus d' troes metes hôt.

C' est ene sôre d' acacia.

On s' endè sieve po decôr dins les djårdéns. Copurade pask' i sint bon cwand i florixh. I sieve eto po fé des håyes. Et come åbe po-z aveur di l' ombrire dins les setchs payis, ca il edeure bén l' setchresse. Ses longuès stocaessès spenes espaitchnut les biesses del magnî.

Po dire li vraiy, c' est on bouxhon ki provént di l' Afrike nonnrece. La, il a beacôp des ôtes uzaedjes.

Sincieus no d' l' indje : Acacia karroo u Acacia eburnea

Sipårdaedje djeyografike[candjî | candjî l’ côde wiki]

mape di spårdaedje

Li mape mostere les payis d' provnance di l' åbe, la ki si spårdaedje est so tote li stindowe djeyografike. Si bîce ecolodjike va do dzo d' l' Angola disk' å Mozambike å Levant, et disk' a l' Nonne-Afrike å Sud.

Mins, ezès payis del Mîtrinne Mer, i n' est marké ki so l' aroyaedje di cwate payis (Marok, Libeye et Tunizeye, Espagne et Portugal). Pask' i n' î a stî planté k' e 20inme sieke, po cmincî, dins les parks des veyes et les cortis.

Commons
Commons
I gn a so les cmons Wikipedia des imådjes ou fitchîs son a vey avou l' mimoza d' Espagne .