Moude d' oneur

Èn årtike di Wikipedia.
Pol discramiaedje des årtikes avou l' mot « moude », loukîz cial.

Li moude d' oneur, c' est l' moude d' ene djonne feye u ene comere pa onk di s' famile (sovint on fré u l' pa lu-minme), dins les societés ki n' acoirdèt waire di droets sociås u persounels azès femes.

Les payis la k' on pratike ces moudes la sont bråmint metous e Moyén Levant, del Sireye å Pakistan.

Li moude d' oneur n' est nén loyî al rilidjon muzulmande. Metans, el Sireye, on cnoxhe des moudes d' oneur dins les crustins, po des feyes ki s' vôrént maryî a des muzulmans.[1]

I s' pout rescontrer eto dins des cminåltés di ces contrêyes la ebaguêyes dins des payis ki n' kinoxhèt nén cisse dujhance la.

Les dujhances des tribunås des payis la k' on voet co des crimes d' oneur ni punixhèt waire les moudreus (sacwants moes d' gayole, cwand end a). I tuznut ki l' famile a-st on droet d' veye et d' moirt so ses mimbes femrins.

Cåzes des moudes d' oneur[candjî | candjî l’ côde wiki]

  • djonne feye ki hante avou on djonnea nén acceptåve (nén serieus, d' ene ôte rilidjon, evnd.)
  • djonne feye nén marieye ki ratind
  • djonne feye ki s' mousse u ki s' kidût d' ene façon ki l' famile n' acceptêye nén
  • djonne feye ki rfuze on mariaedje arindjî del famile
  • feme marieye ki håbite des ôtes omes

Cas d' moude d' oneur el Walonreye[candjî | candjî l’ côde wiki]

Li 22 d' octôbe 2007, Mudusar Cheikh touwéve si sour, Sadia, dins l' måjhon d' ses parints, rowe do Tchenoe a Lodlinsåt.

Li parket a todi vlou ki l' moude åyaxhe sitî cmandé på pere del moudreye et do moudreu, Tariq Mahmood Sheikh. Ci-cial vleut di tote foice aler maryî s' feye å Pakistan, la d' eyu çk' i provnént.

Hårdêye difoûtrinne[candjî | candjî l’ côde wiki]

Sourdant et pî-notes[candjî | candjî l’ côde wiki]

  1. Cas rapoirté a Uzeu :Lucyin pa Morad X., k’ a cnoxhou li galant del djonne feye k’ a stî touwêye.