Moulet

moultea d' cavale, avou s' mame

On moulet (frumele : ene moule), c' est biesse ås tetes del famile des tchvalidîs, ki provént d' on croejhlaedje inte on tchvå et ene ågne (u ene cavale et on grand bådet), et ki n' sait pont fé d' djonnes.

Sôres di moulets

Gn a d' l' adire inte les moulet d' både (provnant d' ene både et d' on roncin, F. bardot), bråmint pus ptit, et on moulet d' cavale (provnant d' ene cavale et d' on bådet d' grande sôre) bråmint pus foirt.

• 
• 

Ovraedje des moulets

Les moulets sont esployîs po monter et dischinde des martchandeyes u des djins dins les hôts tienes, la k' gn a k' des pazeas. Les cis ki les moennèt sont lomés moultîs. E l' Walonreye, end aveut co ki boutént insi so les vås di Smwès disk' å 20inme sieke. Did la l' intrêye «multî» dins l' motî Twisselman di Bouyon, dabôrd ki l' mot n' est dins nol ôte motî walon.

E l' deujhinme guere daegnrece, totes les ahesses militaires k' avént stî disbarkêyes pås Amerikins e l' Itåleye n' avént polou passer les Apnins (po rmonter so l' Otriche) k' a dos d' moulets.

I fwaiynut l' minme bouye ki les berweteus dins les ancyinnès veyes avou des stroetès rowes. End a co insi e Marok (Feze) e l' Aldjereye, e l' Grece.

• 
• 
• 

I sont-st atelés come les tchvås po les ovraedjes des cinses.

• 
• 

Operåcions so les moulets

On amede sovint les moulets, po k' i n' soeyénxhe nén si waeraxhes.

[[Imådje:|thumb]] On fere les moulets come les tchvås.

• 
  Amedaedje.
• 
  Feraedje.
• 
  On moultea avou l' djaenisse.