Moustî

Pol discramiaedje des årtikes avou l' mot « Moustî », loukîz cial.

li moustî d' Lussimbork

On moustî, u ene abeye, c'est ene grande måjhone, normålmint lon erî des veyes et copurade dilé les viyaedjes, ewou çki vicnut les moennes, euxhant etur did zels on pere abé.

Etimolodjeye

Li mot vént do grek μοναστήριον (monastérion), ki sourd di μονος (onk), paski les moennes sont houkîs po viker ene miete tot seus.

Kékès dnêyes

Did dinltins, les moustîs avént seulmint on priyeu, et les abeyes avént èn abé. Ouy poitnut l' no d' moustî les abeyes k' ont yeu ci no la po cmincî.

Li moustî li pus cnoxhou del Walonreye, et k' est bén cnoxhou avå l' daegn etire, c'est l' cia da Tchevetogne.

• 
  Ådvins del båzleke latene do Moustî d' Tchevetogne
• 
  Ådvins d' l' eglijhe bizantene do Moustî d' Tchevetogne
• 
  L' eglijhe bizantene do moustî d' Tchevetogne, do stîle Novogorod

Dins les belès-letes e walon

“Li piele”, ene novele da Georges Alexis, si passe a “Moustî”

Li mot "Moustî" est rsintou pås romantîs come assez "passe-partot" po-z esse prins come no d' viyaedje k' on n' sait nén dire wice å djusse.