Nicnak
On nicnak, c' est ene pitite biscûte, waire soucrêye, del cogne d' ene lete u d' on chife, avou ses boirds dintlés.
Spårdaedje di l' amagnî
[candjî | candjî l’ côde wiki]Cisse gougouye la est cnoxhowe el Beldjike, ezès Bas Payis ey el Picårdeye di France.
C' est tos payis la k' Sint Nicolai passe, ey end apoirter ås binamés roufions et tchîpetes.
Sôre di nicnaks
[candjî | candjî l’ côde wiki]
- nicnaks letes
- nicnaks avou ene fleur di souke di coleur dissu, blanke, rôze u djaene.
Lomaedjes
[candjî | candjî l’ côde wiki]
Dins les pårlers del Flande, on l' lome di sacwants façons: nicnakje après Anverse, piknik u piekniekel e wess-flamind, karolientje e flamind del Flande levantrece, letterkoekje, ABC-koekje ou ABC-letterkoekje e limbordjwès, mokske dins l' payis d' Waes, eyet mopke e l' Campene.
