On dit k' les manaedjes ni vont pus (teyåte)

Èn årtike di Wikipedia.
Potchî a: naiviaedje, cweri
Programe del pîce pol djouwaedje pal dramatike di Veskeveye e 2008

«On dit k' les manaedjes ni vont pus», c' est ene pîce di teyåte po rire, sicrîte pa Christian Derycke e picård.

C' est ene pîce foirt djouwêye el Walonreye, å pus sovint redjårbêye avou l' accint walon del contrêye.

Gn a dijh persounaedjes, po fé cénk manaedjes. Mins gn a ene feme k' on n' voet nén et gn a ene djonne feye, Corene, li sour da Natacha

Li manaedje ki s' aprestêye a skepyî, c' est Edi et Natacha, des djonneas ki vont bénrade fé l' grand nuk.

Racourti[candjî | candjî l' côde wiki]

Mins c' est la ki troes manaedjes di près-parints u soçons des maryîs vont halcoter pår. Nenene Djulia et Bon-popa Raimond, les grands-parints da Natacha; Hinri et s' feme, les parints da Edi eyet Stiene et Mimi, on grand soçon då pere da Natacha.

Al fé des féns, les "vîs" si racmoirdèt, mins les futeurs djonnes maryîs dijhnut :

On-z a pinsé a vozôtes, les djins maryîs. Vos n' arestoz nén di vs prinde pal hanete po tot et po rén. Ça va padecô si lon k' i gn a des cis ki n' sopoirtèt pus d' rén et ki fotnut l' camp. Ebén, nos avans bråmint tuzé et dj' avans decidé...
... di n' nén nos maryî !

Eyet l' toele toume !

Ôte prezintaedje[candjî | candjî l' côde wiki]

Divins troes djoûs, Natacha si va maryî. On s' aprestêye timpesse po ç' grand djoû la.

Mins, so ç' tins la, e l' rowe, gn a des travos ki trinnèt.

Les djonnes maryîs a divni sont so des tchôdès cindes, tot parey ki Mitchî et Lulu, les parints da Natacha.

Stiene, on cameråde da Mitchî ki s' feme l' a metou a l'ouxh, tchoezixh djustumint ci moumint la po vni dmander a lodjî.

C' est eto adon ki Djulia, li grand-mame, vout divoircî d' avou bon-popa Raimond.[1]

Hårdêyes difoûtrinnes[candjî | candjî l' côde wiki]

Sourdants[candjî | candjî l' côde wiki]

  1. Bulletin wallon, l° 289, djanvî2012