Oulipo

L' Oulipo (do francès "Ouvroir de littérature potentielle", çou ki vout dire "Ovroe po 'ne literateure ki pôreut esse") est ene soce di scrijheus ki fjhèt des rcweraedjes so les belès letes. Li soce a stî askepieye l' an 1960 el France pal matematicyin François Le Lionnais eyet li scrijheu et fjheu d' rimeas Raymond Queneau.

Les scrijheus del soce waitèt do saetchî foû del mecanike, foû do djeu do lingaedje lu minme, des novelès manires do scrire. I s' adjixh sovint do sure des rîles aspoyeyes so les matematikes, çou k' oblidje li scrijheu a-z edvinter des novelès piceures po-z adjinçner ses bokets et ses apinses. L' idêye est ki des stregnès rîles rinovlèt li façon do tuzer et do scrire et foircèt a s' fé cwite des acostumances. Les askepieus ont dit k' il estint come des « rats ki bastixhèt zels minmes li labrin k' i volèt moussî foû».

Dins les ouves les mî cnoxhowes des soçons di l' Oulipo, i gn a:

Cent mille milliards de poèmes (1961) (Cint meye miyårds di rimeas), da Raymond Queneau
La disparition (1969) (Disparetaedje), da Georges Perec
Se una notte d'inverno un viaggiatore (1979) (S' on voyaedjeu pa 'ne nute d' ivier) da Italo Calvino
L'Anomalie (2020) (L' anomaleye), da Hervé Le Tellier