Pårti Socialisse (Beldjike)

Parti Socialiste

(wa) **Pårti Socialisse**
(fr) **Parti Socialiste**

Prezintaedje
Askepiances	1945 (dismantchaedje do POB) 1978 (pårti nåcionå divnou redjonå)
Coleur politike	Rodje
Prezidint	Paul Magnette
Vice-prezidint	Philippe Close Willy Demeyer Anne Lambelin
Payîs/ Redjons	Beldjike - Kiminålté Tîxhon-cåzante - Redjon d' Brussele - Walonreye

Li Pårti Socialisse, c' est on pårti francès-cåzant del Beldjike.

Idintité

Il est rwaitî come on pårti d' gåtche, veyanmint ki disfind l' ideyolodjeye d' ene democraceye socialisse. Li Pårti Socialisse est rwaitî po-z esse on pårti ki boute voltî el socialisse, virpus pus spepieuzmint, el sociåle-democraceye.^[1]^[2]

Sol speke politike des valixhances, li PS est puvite avanciveus.^[3]

Istwere

Askepiances

Èç pårti ci aveut stî askepyî e 1945, cénk ans après l' dismantchaedje do Pårti des Ovrîs d' Beldjike. Cwand l' pårti socialisse aveut stî skepyî, il esteut so tote li Beldjike disk' e 1978, cwand ç' pårti la s' aveut kipårti e deus diferins pårtis.

Onk po l' Beldjike francès-cåzante, eyet l' ôte po l' Beldjike neyerlandès-cåzante. E l' Flande, ès-n omonime, c' est Vooruit ([WA] Djans-è), ki s' loméve dvinltins : l' Socialistische Partij Anders ([WA] Pårti Socialisse eyet Ôtes). Dins l' pårteye tîxhon-cåzante do payîs, i gn a li Sozialistische Partei, k' est seulmint on frawén do ci del Nonne do payis.

Herlemes politikes

Anêyes 2000

A Tchålerwè, gn a yeu on herleme po l' dinaedje des lodjmints sociås di 2005 a 2007.^[4] Tot a comincî cwand Olivier Chastel aveut eplaidî publicmint on rapoirt scrît på Societé walone del dimorance. Ci rapoirt ci mostréve k' La Carolorégienne n' esteut nén manadjêye comifåt.^[5]

Anêyes 2010

Etur 2016 eyet 2017, li Pårti Socialisse est å fén mitan do grand disdut « Publifin », avou li MR eyet l' cdH. Èç herleme la, c' esteut purade les etercomunåles del province di Lidje, mins eto les ospitås di l' ISPPC del redjon d' Tchålerwè. Drola, Philippe Lejeune aveut stî metou so les foitès loumires po cåze di måluzance di béns publiks.^[6]

Pu, ça a stî l' côp d' Brussele, avou l' Samusocial. Dins cist afwaire la, li portagonisse fourit Yvan Mayeur.

Contråvmint a c' ki aveut stî dit^[7], l' afwaire Publifin n' a nén tant fwait do toirt ås cis k' estént å mitan do djeu, veyanmint k' mwintes di zelzôtes ont rpassé ås vôtaedjes d' après.^[8]

Mins nerén, ci fourit l' fén del cårire politike da Stéphane Moreau^[9] eyet da Yvan Mayeur.^[10]

Impôrtance

C' est l' prumî pårti del Walonreye å livea des vôtaedjes.

Rilomés mimbes

Vicants

Asteure

Davance

Revoyes

Referinces eyet sourdants

[1] ttps://www.bruxelles-j.be/exercer-ta-citoyennete/le-paysage-politique-belge/

[2] ttp://parties-and-elections.eu/wallonia.html

[3] ttps://www.lecho.be/dossiers/elections-regionales-federales-europeennes-2019/le-ps-espere-encore-un-miracle-pour-eviter-une-alliance-avec-le-mr/10135889.html

[4] ttps://www.liberation.fr/planete/2007/06/09/charleroi-le-pouvoir-corrompt_95606/

[5] ttps://www.dhnet.be/archives-journal/2005/09/06/exemple-de-gestion-scandaleuse-WTNGA7WGFFE6ZFBJ72YLZ5OH7A/

[6] ttps://parismatch.be/actualites/politique/41562/charleroi-lisppc-accusee-de-corruption

[7] ttps://www.lavenir.net/cnt/dmf20170120_00947462/electoralement-l-affaire-publifin-risque-de-faire-tres-mal

[8] ttps://payknow.eu/tous-les-publifin-ont-ete-reelus/

[9] ttps://www.levif.be/actualite/belgique/il-etait-une-fois-stephane-moreau-l-histoire-extraordinaire-de-son-ascension-et-de-sa-decheance/article-normal-1201313.html

[10] ttps://www.lalibre.be/belgique/politique-belge/voici-le-domaine-dans-lequel-yvan-mayeur-s-est-reconverti-5a991935cd7063d566ff8e92

[1]

[2]

[3]

[4]

[5]

[6]

[7]

[8]

[9]

[10]