Pôrçulinne
Del pôrçulinne, c' est on materio po fé totes sôres di belès schielreyes, foirt tchires et mo cazuweles.
Motlî[candjî | candjî l’ côde wiki]
On lome del minme façon tos les cayets k' on fwait avou. Il estént vindous dins des botikes di pôrçulinne.
Imådjreçmint, li pôrçulinne est si fråjhûle k' elle a dné l' ratourneure «mariaedje å sacramint d' pôrçulinne» po on mariaedje nén e l' eglijhe.[1]
Fijhaedje[candjî | candjî l’ côde wiki]
Il est fwait a pårti d' ene sôre d' årzeye a pårt.
Uzaedjes[candjî | candjî l’ côde wiki]
- Texhons d' pôrçulinne: des djates di pôrçulinne; ene caftire di pôrçulinne po fé eshonne on siervice di pôrçulinne.[2]
- Pitits pavés d' pôrçulinne, metous so les meurs, a môde di mozayike.
Sôres di porçulinne[candjî | candjî l’ côde wiki]
Dins les belès-letes e walon[candjî | candjî l’ côde wiki]
On djåze di pavmints d' meur e pôrçulinne dins l' roman da Djôzef Mignolet, «L' amour a l' Alambra».
- Boirdés d' pôrçulinne, des pårtchets d' rôzes î florixhèt cåzu tote l' anêye. (p. 45)
- Mins tot dvizant d' Sadi et d' Omar, di rôze et d' råskignoû, li tins coreut si vite ki l' nute esteut toumêye, et k' les prumîs invités al fiesse intrént e l' grande såle tapissêye di bleuwès pôrçulinnes. (p. 55)