Pårti Socialisse (Beldjike)

Èn årtike di Wikipedia.
(Redjiblé di PS)

Parti Socialiste

(wa) Pårti Socialisse
(fr) Parti Socialiste
Prezintaedje
Askepiances 1945 (dismantchaedje do POB)

1978 (pårti nåcionå divnou redjonå)

Coleur politike Rodje
Prezidint Paul Magnette
Vice-prezidint Philippe Close

Willy Demeyer

Anne Lambelin

Payîs/

Redjons

Beldjike

- Kiminålté Tîxhon-cåzante

- Redjon d' Brussele

- Walonreye

Li Pårti Socialisse, c' est on pårti francès-cåzant del Beldjike.

Idintité[candjî | candjî l’ côde wiki]

Il est rwaitî come on pårti d' gåtche, veyanmint ki disfind l' ideyolodjeye d' ene democraceye socialisse. Li Pårti Socialisse est rwaitî po-z esse on pårti ki boute voltî el socialisse, virpus pus spepieuzmint, el sociåle-democraceye.[1][2]

Sol speke politike des valixhances, li PS est puvite avanciveus.[3]

Istwere[candjî | candjî l’ côde wiki]

Askepiances[candjî | candjî l’ côde wiki]

Èç pårti ci aveut stî askepyî e 1945, cénk ans après l' dismantchaedje do Pårti des Ovrîs d' Beldjike. Cwand l' pårti socialisse aveut stî skepyî, il esteut so tote li Beldjike disk' e 1978, cwand ç' pårti la s' aveut kipårti e deus diferins pårtis.

Onk po l' Beldjike francès-cåzante, eyet l' ôte po l' Beldjike neyerlandès-cåzante. E l' Flande, ès-n omonime, c' est Vooruit ([WA] Djans-è), ki s' loméve dvinltins : l' Socialistische Partij Anders ([WA] Pårti Socialisse eyet Ôtes). Dins l' pårteye tîxhon-cåzante do payîs, i gn a li Sozialistische Partei, k' est seulmint on frawén do ci del Nonne do payis.

Herlemes politikes[candjî | candjî l’ côde wiki]

Anêyes 2000[candjî | candjî l’ côde wiki]

A Tchålerwè, gn a yeu on herleme po l' dinaedje des lodjmints sociås di 2005 a 2007.[4] Tot a comincî cwand Olivier Chastel aveut eplaidî publicmint on rapoirt scrît på Societé walone del dimorance. Ci rapoirt ci mostréve k' La Carolorégienne n' esteut nén manadjêye comifåt.[5]

Anêyes 2010[candjî | candjî l’ côde wiki]

Etur 2016 eyet 2017, li Pårti Socialisse est å fén mitan do grand disdut « Publifin », avou li MR eyet l' cdH. Èç herleme la, c' esteut purade les etercomunåles del province di Lidje, mins eto les ospitås di l' ISPPC del redjon d' Tchålerwè. Drola, Philippe Lejeune aveut stî metou so les foitès loumires po cåze di måluzance di béns publiks.[6]

Pu, ça a stî l' côp d' Brussele, avou l' Samusocial. Dins cist afwaire la, li portagonisse fourit Yvan Mayeur.

Contråvmint a c' ki aveut stî dit[7], l' afwaire Publifin n' a nén tant fwait do toirt ås cis k' estént å mitan do djeu, veyanmint k' mwintes di zelzôtes ont rpassé ås vôtaedjes d' après.[8]

Mins nerén, ci fourit l' fén del cårire politike da Stéphane Moreau[9] eyet da Yvan Mayeur.[10]

Impôrtance[candjî | candjî l’ côde wiki]

C' est l' prumî pårti del Walonreye å livea des vôtaedjes.

Rilomés mimbes[candjî | candjî l’ côde wiki]

Vicants[candjî | candjî l’ côde wiki]

Asteure[candjî | candjî l’ côde wiki]

Davance[candjî | candjî l’ côde wiki]

Revoyes[candjî | candjî l’ côde wiki]

Referinces eyet sourdants[candjî | candjî l’ côde wiki]

  1. https://www.bruxelles-j.be/exercer-ta-citoyennete/le-paysage-politique-belge/
  2. http://parties-and-elections.eu/wallonia.html
  3. https://www.lecho.be/dossiers/elections-regionales-federales-europeennes-2019/le-ps-espere-encore-un-miracle-pour-eviter-une-alliance-avec-le-mr/10135889.html
  4. https://www.liberation.fr/planete/2007/06/09/charleroi-le-pouvoir-corrompt_95606/
  5. https://www.dhnet.be/archives-journal/2005/09/06/exemple-de-gestion-scandaleuse-WTNGA7WGFFE6ZFBJ72YLZ5OH7A/
  6. https://parismatch.be/actualites/politique/41562/charleroi-lisppc-accusee-de-corruption
  7. https://www.lavenir.net/cnt/dmf20170120_00947462/electoralement-l-affaire-publifin-risque-de-faire-tres-mal
  8. https://payknow.eu/tous-les-publifin-ont-ete-reelus/
  9. https://www.levif.be/actualite/belgique/il-etait-une-fois-stephane-moreau-l-histoire-extraordinaire-de-son-ascension-et-de-sa-decheance/article-normal-1201313.html
  10. https://www.lalibre.be/belgique/politique-belge/voici-le-domaine-dans-lequel-yvan-mayeur-s-est-reconverti-5a991935cd7063d566ff8e92