Crikion d' mer

Pol discramiaedje des årtikes avou l' mot « crikion », loukîz cial.

Li crikion d' mer u gurnåte di rotche, c' est ene gurnåte k' on pexhe voltî po magnî.

Sincieus no d' l' indje : Palaemon serratus

• 
  crikion d' mer vicant
• 
  crikions d' mer pexhîs

Discrijhaedje

Vicant, li crikion d' mer a ene blouwåsse coleur, avou des royes plin l' coir. I n' divént rôze k' estant pexhî.

I n' est måy pus long k' 11 cm (5 a 11 cm).

Si boutoe si racrole å hôt et divni fortchou sol dibout (gn a k' lu k' a on boutoe insi).

Vicaedje

Dimeure dins le rotches åtoû d' 40 metes fond.

Mopliyaedje

Ele si rprodût puvite e waeyén-tins.

Spårdaedje

On trouve les crikions d' mer dins tot l' Oceyan Atlantike dispu l' daenmåtche disk' el Moritanreye ey el Mîtrinne Mer disk' al Noere Mer.