Paralizeye å nier do keute

paralizeye do nier do keute so ene vatche k' a stî lontins djus

Li paralizeye å nier cubitå (u : å nier do keute), c' est ene maladeye k' arive ås pezantès biesses di cinse (vatches, tchivås) ki sont dmorêyes lontins djus, avou l' keute sipotchî a tere. C' est dins ene goidje do keute kel nier do keute passe.

Les crokêyès biesses ni savnut pus lever l' pate, a cåze do manke di corant nierveus ås tchås do dvant-bresse, ki tindèt les doets.

On trouve sovint des setchès plåyes di coûtchaedje å keute.

On voet çoula après des operåcions ås tchvås, u après on sindrome del vatche djus u del pômagne ås vatches plinnes.

Si l' nier n' a nén stî trop sipotchî, i pout ratraper si uzaedje e sacwantès samwinnes. Ôtmint, i fåt evoyî les rascråwêyès biesses a l' abatwer.

Gn a waire åk po poleur médyî ces maladeyes la, mins on pout todi fé des pikeures di vitamenes B. I fåt kel biesse soeye rastampêye a tinzayeure, et ni s' coûtche nén so ene deure plaece.