Paul-Henri Thomsin

Èn årtike di Wikipedia.
Potchî a: naiviaedje, cweri
(diviè 1995)

Paul-Henri Thomsin a skepyî e 1948. C' est on scrijheu e walon do payis d' Lîdje. I ratourna eto des binddimådjes. Tot fén seu, il eplaida mon les "Noer Dessin" on live e francès avou des fråzes et ratourneures e walon: L' amour a môde di Lidje (2002).

Thomsin1.jpg
Thomsin2.jpg
Thomsin3.jpg

Mins si mwaisse ouve, c' est ses biyets di totes les saminnes dins li ptite gazete Vlan (1992-2011), ene coirnêye ki s' lome "Vlan avå lès vôyes".

Tot cåzant del såjhon et des fiesses, i mostere ene bele apriyesse do walon, et ene grande sinsiûlisté. I rascoya, po ça, li pris del Veye di Lidje e 1997.

Il a eto ratourné des fåves da Lafontinne.

Il a stî relî dins l' Antolodjeye Scrire.

Sacwants lives da På-Hinri Thomsin[candjî | candjî l' côde wiki]

  • Ratournaedjr di bindes d' imådjes
    • Letes di m' molén (1984).
    • Maigret et l' danseuse d' å Gaiy-Molén (1994).
    • Li ptit boudtchike (1996).
    • Walonreye, tere di ledjindes (2001).
    • Natacha: Ene wadjeure di sôlêye (2006)
  • Lives francès et walon:
    • L' amour a môde di Lidje (2002).

Li walon avå les voyes[candjî | candjî l' côde wiki]

E moes d' decimbe 2004, Paul-Henri Thomsin eplaida li pus ptit live måy imprimé e walon, veyanmint k' i n' est ki 5 cm hôt : "Li walon avå les voyes". End a fwait 10.000 k' ont stî dnés tot avå martchî d' Noyé a Lidje.

couverture

L' atuze diswalpêye, c' esteut kel walon esteut on bea cado ki nos avans-st avou d' nos tåyes, et k' lyi faleut rinde li statut d' bistoke. Po s' fé buskinter sifwaitmint, les djins ont corou après come ci n' est nén possibe. Li stok a stî spoujhî so 15 djoûs.

Hårdêye difoûtrinne[candjî | candjî l' côde wiki]

Si pådje so l' Aberteke.