Bicoine

Adjinçna del bicoine, ki mostere bén ses deus stipes di fleur, ki brikèt come deus coines

Li bicoine (on dit eto : li cuzene u l' olivî d' troufreye), c' est ene plante des fagnes et des troufires, avou ene pitite fene crawieuse tidje, come ene rampe, ki crexhe dizeu les mosseas d’ fagne, ki dene des ptitès frambåjhes k' on lome poes d’ fagne, poes d’ cok, poes d’ bourboe, poes d’ mossea, peme di fagne, gurzale di fagne, gurzea d’ fagne u olivete.

Sincieus no d' l' indje :

• asteure : Vaccinium oxycoccos
• davance : Oxycoccus quadripetalus, Oxycoccus palustris

Kékès dnêyes

On voet bén l' plante e moes d’ may et djun, la k' elle est floreye.

E moes d’ awousse, pol ritrover, i fåt greter dins les mosseas d’ fagne. On-z î pout adon code li gurzale di fagne, k' est tapinêye blanc et rôze.

C' est on poes bråmint pus ptit k' ene caclindje. I fåt do tins po nd aveur ene djatlêye. Mins ça s' magne ttossu bén k' les ôtes frambåjhes. C' est po ça k' elle est ahivêye dins les grands frexhs tchamps, livlés esprès, e l' Amerike bijhrece.

Dispårdaedje

Li mape di troes sôres di bicoines

Cisse plante la ni s' trouve ki dins les froeds et timperés payis del Dimeye Bole bijhrece.

Eployaedje

On ndè pout fé del confiteure.

Elle est rprinjhe come yebe ås maladeyes dins l' live da Boxus so les plantes come "rafroedixhante" et boune po li scorbute.

Sourdants et pî-notes

• 
  Po vey les foyes
• 
  li fleur
• 
  les fleurs dins les mosseas d' fagne
• 
  On voet bén kel gurzale di fagne est tapinêye di blanc
• 
  Grandeur des poes d' fagne (co vetes)
• 
  poes d' fagne dins ene culteure (avou des åleas d' fier)