Hanscroufe

Hanscroufe ou Pere Fwetård, c' est l' persounaedje ki vént avou l' Sint-Nicolai. C' est s' vårlet, djans.

C' est on noer di hoye.

I doet fé sogne ås efants po k' i soeyexhe sadjes po-z aveur toplin des boubounes et des djodjowes.

Dins l' province di Lidje, li Hanscroufe rishonne å Hans Trapp d' Alzace.

Sourdance do persounaedje

Po les Francès, Hanscrouf riprezintreut ene djin broûlêye a Mez (Metz) do tins do sidje del veye pa l' årmêye di Tchårlukin e 1552.

Lomaedje dins des ôtes lingaedjes

On l' lome «Zwarte Piet» e neyerlandès, «Hansmuff» e l' almand ou ripouwaryin (do costé d' Neyåw et Cologne, todi); «Père Fouettard» e francès.

Disparexhaedje da Hanscroufe

Loukîz a : Sint-Nicolai (fiesse)#Novelès dujhances sol fiesse ezès anêyes 2010

Hanscroufe riske di disparexhe, veyånmint k' il est ametou d' raecisse. Si noer vizaedje djeneré pål houye est, sorlon brånmint des djins neyerlandès-cåzants eyet les sociås media, do raenoeradje, ossu lomé e-n inglès "blackface". Li raenoeradje, ç' est cwand ene blanke djin s' gåyote l' vizaedje e noer.