Pexhon-tchet d' Afrike

Èn årtike di Wikipedia.
Sauter à la navigation Sauter à la recherche
African Catfish (Clarias gariepinus) landing on the ford after its jump upstream ... (16332780150).jpg

Li pexhon-tchet d' Afrike, c' est ene sôre di magnåve pexhon d' Afrike, k' on-z acleve eto dins les tchôdès aiwes des cintråles nawearinnes.

No d' l' indje e sincieus latén : Clarias gariepinus

Discrijhaedje[candjî | candjî l' côde wiki]

Clarias garie 080516 9166 H tdp.jpg

Tiesse avou ût moustatches, cwate di tchaeke costé.

Istwere di l' aclevaedje do pexhon-tchet[candjî | candjî l' côde wiki]

E l' Edjipe, c' esteut en ene biesse consacrêye del deyesse Bastet (k' aveut ene tiesse di tchet).

C' esteut lu ki moennéve li solea, cwand i naivyive del nute, sol mouze dizotrinne (aiwe mitolodjike la kel solea aveut on batea po rpasser do Coûtchant å Levant).

On l' aclevéve dedja dins l' basse di Quarum, sol gåtche erive di l' Aiwe di Nîl, on pô pus hôt k' Guizé.

E 1968, on-z a apontyî les tecnikes d' aclevaedje a Bangui, el Cinte-Afrike.

Diviè 1970, on-z a amonté les prumîrès cinses pexhonreces e Vietnam.

Pu on-z a aclevé l' biesse e Braezi (1990) pu å Paragway (1996).

El Walonreye, il s' a bén mopliyî a l' acwariom di Lidje. E 1987, i fourit aclevé ås cinses pexhonreces di Tîhondje (Piscimeuse).

Produjhaedje daegnrece di pexhon tchet[candjî | candjî l' côde wiki]

Daegn etire
(e tones)
Afrike Anêye
123.785 4360 1998
150.836 2572 1999
131.819 4490 2000

E l' Urope, on l' acleve addé les tchôds sourdants u dins l' aiwe di rafroedixhaedje des cintråles nawearinnes.

E 2001, on produjha 3000 tones ezès Bas-Payis, 1000 tones el Hongreye, 750 tones el Beldjike.[1]

Sourdant[candjî | candjî l' côde wiki]

  1. (fr) Tropicultura (rivowe di l' Etraidance Eternåcionåle bedje), 2003, 21, 4, 189-198.