Pitite bale å tamis

tamis (avou les coleurs do drapea francès sol ceke)

want d' on djouweu a Brussele diviè 1965

shabot (batchrê aclapé å want) po recassî l' bale

El pitite bale å tamis (li ptite bale å tamis) (e picård, ju d' plote, e francès, balle au tamis u balle au tambour), c' est ene sôre di djeu d' bale la ki l' livreu fwait rdjibler l' bale so èn agayon lomé tamis, metou a 7 metes do ptit djeu.

Li tamis

Il est fwait d’ on ceke di fier, 40 cintimetes lådje, metou 20 cm hôt, so 3 pîs.

Djouwaedje

Come les ôtes djeus d' bale, i s' djowe a nouv djouweus, pluss li rivleu, so on balodrome.

Le rivleu (livreu) doet fé rdjibler li ptite bale sol tamis eyet l’ ratraper kékes metes pus lon po bouxhî dsu.

Les djouweus (apus ki l' livreu) ont tchåssî on want di ptite bale å tamis, ki c' est come ene grosse eschafiote di bwès ( on poujhoe al farene) k' on rimete sovint a on shabot di tchvå, agritcheye après on want e pea d' vatche.

Il ont yeu sogne d' ecråxhî li shabot avou do noer savon.

I saynut di racassî l' pitite bale avou l' talon do shabot. Li bale va rider dins l' crombeure et va rispiter padvant.

Alére

Lucien Mahin, Li ptite bale å tamis dins les anêyes 1960, Li Rantoele 90, esté 2019.

Hårdêye difoûtrinne

• Esplikêyes da Willy Leroy (sol Tévé walon-cåzante)