Plastinaedje

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "plastinaedje", alez s' vey sol Wiccionaire

macabé etir

Li plastinaedje[1], c' est ene tecnike po wårder des coirs di macabés u d' biesse po studyî leu-z antomeye, tot replaeçant les likides des celules pa des plastikes.

Istwere[candjî | candjî l’ côde wiki]

Li tecnike a stî diswalpêye dispu l' anêye 1977, pu todi amidrêye, bråmint pa Gunther von Haghens, a l' univiersité d' Heidelberg, e l' Almagne.

Elle a stî bruvtêye avou tchaeke di ses amidraedjes, di 1979 a 1982.[2]

Sacwants pîces di muzêye fwaite ont stî mostrêyes so ene espôzucion tournante k' a dmoré a Brussele do 22 d' setimbe 2001 å 24 di fevrî 2002.

Tecnike[candjî | candjî l’ côde wiki]

Li coir est waeranti do pourixhmint e l' metant dins do formol.

Adon, les pîces sont discopecêyes po mostrer çou k' on a l' idêye. Les pîces dedja edjalêyes sont soyeyes a trintches di 3,5 cintimetes.

Adon, li pîce est metowe dins on froed bagn d' acetone ki va replaecî l' aiwe des celules; pu dins on tchôd bagn, todi d' acetone, po rsaetchî les cråxhes.

Ci côp la, l' acetone est pompêye (tot fjhant l' vude), et replaeceye pitchote a midjote på plastike.[3]

Sourdants[candjî | candjî l’ côde wiki]

Commons
I gn a so les cmons Wikipedia des imådjes ou fitchîs son a vey avou l' plastinaedje .
  1. noûmot avou l' cawete -aedje atåvlé sol wikipedia walon e 2020, a pårti do mwaisse noûmot almand, pu francès «Plastination» edvinté avou l' tecnike e 1979.
  2. Gunther von Haghens, Anatomie et plastination, cataloke di l' espôzucion «Körperwelten» (les mondes do coir), Institut für Plastination, Heidelberg, p. 29.
  3. Cataloke di l' espôzucion «Körperwelten» (come cial ådzeu) p. 23.