Polet d' poytreye

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "polet", alez s' vey sol Wiccionaire

polets d' poytreye raclevés e-n on poyî

On polet d' poytreye, c' est on poyon ki vént di deus parints relîs djeneticmint po produre del tchå li pus rade possible, avou li moens d' alimint ki s' pout.

Provnance[candjî | modifier le wikicode]

apiçaedje d' ene poyete dins ene cinse parintrece

Les polets d' poytreye vinèt d' ene cinse parintrece, la k' deus raeces di parints sont-st aclevés, les coks d' ene raece et les poyes di l' ôte.

Ces biesses la vinèt zele-minmes di deus cinses grand-parintreces. Dins l' cene ki dene les meres ås polets, on a relî des poyes ki pounèt bråmint et lontins, sins magnî did trop ni esse trop pezantes. Dins l' cene des peres ås polets, on a tchoezi d' produre des coks ki dnèt des poyons k' ont bråmint del tchå, ki crexhnut rade tot alouwant li moens mossibe d' amagnî.

Les oûs di ces aclevaedjes la arivèt e-n èn acovoe po-z î fé disclôre les poyons. Les poyons des parintreces sont vindous ås poytreyes, ki produjhnut li polet d' poytreye.

Profitaedje[candjî | modifier le wikicode]

Avou l' progrès djenetike, les polets d' poytreye sont les biesses ki profitèt l' mî di tos les aclevaedjes.

Asteure, dins des bounès condicions d' aclevaedje, les polets d' poytreye avindnut les deus kilos a 42 djoûs, tot magnant moens ki 2 kilos d' nouriteure pa kilo d' pwès vicant.

Dins les anêyes 1960, c' esteut a pô près 2 kilos a 50 djoûs, tot magnant 2 kilos d' nouriteure pa kilo d' pwès vicant.

Maladeyes des polets[candjî | modifier le wikicode]

polet "pepieus" (sene di maladeye)