Pont (bastixhaedje)

Pol discramiaedje des årtikes avou l' mot « pont », loukîz cial.

Pont d' Alcantara (Espagne)

pont naturel (Imin Ifri, Marok)

On pont, c' est on basti ovraedje metou so on passaedje, ki permete di trevåtchî ene corante aiwe u ene parfonde vå.

Li mot «pont» si rtrouve dins sacwants nos d' plaece del Walonreye, et did la divins des nos d' famile (Dopont, todi rmetou a môde francesse Dupont).

Motlî

On ptit pont si lome on pontea u ponsea.

On stroet pont djusse po les pîtons si houke purade ene pasrele.

Sôres di ponts

• sorlon l' materiå
  • pont d' tere (pont naturel, come li ci d' Imin Ifri)
  • Pont d' cloyes
  • Pont d' plantches
  • Pont d' pires (come li Pont ds Åtches)
  • Pont d' beton
  • Pont d' fier u d' ôte metå (acî)

• sorlon l' tcherpintaedje
  • Pont simpe
  • Pont ås åtches
  • Sospindou pont

• sorlon l' voye k' î passe
  • Pont so ene voye ordinaire
  • Pont d' otovoye
  • Pont di tchmin d' fier

• sorlon l' baxheur trevåtcheye
  • pont so ene aiwe
  • pont so ene vå (viyaduk)
  • Pont sol on bresse di mer
  • Pont houte d' ene grande laetche