Pont di dmande

e-n arabe

Li pont di dmande, c' est on sene di pontiaedje k' on mete å coron d' ene fråze di dmande.

Tipografeye

I s' sicrît "?", avou, å pus sovint, èn espåce divant.

Cwè çk’ i m’ dijheut la, hon, lu ? Mi feye ki m’ voleut rescontrer ?

Ridobelmints

Des côps, po bouxhî sol clå, on eploye troes ponts di dmande onk dirî l' ôte :

Kî k’ c’ est l’ laid veråt k’ a stî stitchî ça la !!!

Pont di dmande et pont di sclameure

Udonbén, cwand li kesse va avou on sbarmint, on mete onk dilé l' ôte on pont di dmande et on pont di sclameure :

Kimint, diåle, pout on pretinde ki l' holandès soeye nosse langue nåcionåle !?

Vos, èm vî cama ? Eyou avoz stî cweri ça !?

Dins les ôtes lingaedjes

Li pont di dmande si scrît parey k' e walon dins tos les lingaedjes k' eploynut l' alfabet latén.

Li francès mete èn espåce nén côpåve divant. C' est ciste uzance la k' est sovint rprinjhe e walon. Les ôtes lingaedjes nén.

Portant, e l' espagnol on ndè mete deus : onk a l' intrêye del fråze, li cou å hôt (), et onk a l' edroet å coron del fråze ().

¿Cuántos años tienes? (Kéne ådje ass ?)

Il a stî eto epronté pa des lingaedjes avou des ôtes alfabets come l' arabe. Mins, come di djusse, i s' mete a hintche, a l' evier, paski c' est la l' coron del fråze :

متى تذهب إلى العمل؟ (Cwand çki t' evas bouter ?)