Prezintoe d' mostraedje
On prezintoe d' mostraedje u ene prezintrece di mostraedje, c' est on prezintoe ki rintere dins les mots d' mostraedje.
Uzaedje des prezintoes d' mostraedje[candjî | candjî l’ côde wiki]
Les prezintoes d' mostraedje vont å pus sovint avou èn adviebe metou padrî l' no k' est mostré.
- ci åbe la.
- ci måjhone ci.
- ci noret cial.
- ci påfisse vola.
- cisse crapåde la.
- cist ome cial.
- ciste åbarone la.
- ces djins la.
Li cogne «ci» si pout spotchî après ene voyale:
- Dji n' sai ovrer avou ç' cayet la.
- Ele ni sait noder çt ome la.
- Bodje mu ç' tcheyire vola.
- Li mårlî djouwéve so çt ôre la dispu estant on rafoirci gamén.
L' uzaedje sins adviebe (corant e walon do Levant e 20inme sieke, mins djamåy ôte pårt) est accepté dins le scrît lingaedje, aprume dins les powezeyes. Ciste uzance la a divnou pus corante e 21inme sieke, pa rfrancijhaedje des scrîts e walon.
L' adviebe assoçné si pout plaecî al fene fén des troke do sustantif.
- ci bea ptit valet la.
- Ci vint-ey-onk di djanvî ci, nos avéns raploû a Bietris.
On s' passe di l' adviebe dins kékes ratourneures calkêyes do francès:
- a onk di ces djoûs / a onk di ces cwates.