Prono sudjet

Èn årtike di Wikipedia.
Potchî a: naiviaedje, cweri

On prono sudjet, c' est on prono ki djowe li role di sudjet dins ene fråze ou ene fråzlete. Ça pout esse on prono d' djin, la k' i gn a bråmint a dire, ou on nén definixhant prono.

E walon, li prono d' djin sudjet si spotche divant ene voyale, ey eto sovint, divant ene cossoune, s' i gn a on mot padvant ki cmince pa ene voyale.

Po les pronos do et des rwaitant(s) (3inmès djins do singulî et do pluriyal), li candjmint est diferin : on radjoute "L" divant ene voyale.

i vént; ele cåze <> il est biesse; elle a fwin.
i vnèt; ele cåznut <> il estént-st evoye; elle avét soe.

E walon, li prono sudjet n' a nén l' minme voyale divant et dirî l' viebe.

ti pinses a lu ? <> Pinses tu a lu ?

Djivêye des pronos d' djin sudjets do walon[candjî | candjî l' côde wiki]

Disparexhaedje do prono d' djin sudjet[candjî | candjî l' côde wiki]

tu[candjî | candjî l' côde wiki]

Pol « tu » (prono metou padrî del 2e djin camaerådrece), li disparexhaedje est oblidjî dirî voyale, et çoula, pattavå l’ Waloneye. Li codjowa s' atcheve pal cawete -ss

N' ass nén toumé flåwe do vey li sonk ?
Ass co des çanses ?
N’ ess nén malåde ? T’ es blanc come ene makêye

Mins l' prono « tu » dimeure s’ i gn a ene cossoune (ki s’ prononce) å coron do codjowa :

Pinses tu vni ås 3 côps 20 ?

vos[candjî | candjî l' côde wiki]

Po « vos » (prono del 2e djin « ordinaire » ou vovweymint), li disparexhaedje n' est nén oblidjî.

So Nameur, Tchålerwè et l’ Basse Årdene, les troes cwårts do tins, li prono sudjet « vos » metou padrî disparexhe dins ene fråze di dmande. Avoz ddja stî al cimintire ?

Estoz malåde, vos tronnez les balzins ?

So Lidje, li Hesbaye et l’ Hôte Årdene, li fôme « ordinaire » (fôme poleye do francès, vovweymint) s’ eploye avou on prono padrî.

Avoz vs dedja stî so l’ aite ?
Estoz vs malåde ou avoz vs li må Sint-Tibåd ?

i & ele[candjî | candjî l' côde wiki]

Po « i » & « ele » (pronos del 3e djin), li disparexhaedje n' est nén oblidjî. Vola sacwants cas k' on n' les voet pus :

Totavå, li prono « i » pout disparexhe avou les viebes « falu », « valu », « parete ».

Våt mî di s’ betchî ki di s’ capougnî
Fårè s’ lever pus matén li samwinne ki vént, si vos alez bouter po on patron. Fåt-st aredjî !
Paret ki s’ feye est po s’ maryî.

Totavå, li prono « i » pout disparexhe ezès fråzes ki cmincèt avou end, gn a, el ou elzès:

Gn a d’ l' adire = i gn a d’ l' adire
Di l' aiwe, end a pupont = gn a pupont = end a pus = gn a puch
El fåt fé sins tårdjî

So Lidje, les pronos « i » et « ele » polèt disparexhe après les aloyreces « ki » eyet « cwand » : I fåt k' ovrexhe li dimegne tot parey

Cwand fout-st arivé, i s' ashida [1]

Hårdêyes difoûtrinnes

Sourdants[candjî | candjî l' côde wiki]

  1. Scoles di walon d' Bive, 11 d' octôbe 2011