Li Ptit Bouttchike (binde d' imådjes)

Li p'tit bout d'tchique

prumî eplaidaedje e walon (1989)

Deus ôtes alboms e walon (1996 & 2020)

Li ptit bouttchike (Li p'tit bout d' tchique, sol prumî albom; Li P'tit Bout d'Chique so les cis d' après), c' est on persounaedje di binde d' imådjes da François Walthéry.

Istwere

E 1975, il aveut Walthery aveut ddja atuzlé l' persounaedje, mins i n' lyi aveut co sepou trover on no. On bea djoû, il esteut amn s' mame, avou ses deus neveuses ki l' grand-mame wårdéve. Li racoulote, Françwesse, djouwéve avou des popenes rûsses. Tot fjhant rexhe li pus ptite, ele dijha: «Louke, mononke, c' est li ptit bouttchike !».

Waltery apiça l' idêye sol pî sol tchamp.

Li prumire istwere fourit fwaite al varade, po replaecî Raoul Cauvin, k' aveut-st atrapé on chnope, po on limero a pårt di Spirou.

E 1976, i dessina li deujhinme istwere, «Li Baloujhnaedje do Ptit Bouttchike» (La balade du P'tit Bout d'Chique).

I s' va siervi do persounaedje po dessiner li live da Marcel Remy «Les ceux de chez nous» (2005, Noer Dessén, ISBN 2-87351-124-9).

Li cogne do persounaedje, mins nén ses mousmints sont-st eto dins «Mes ptits copleus» (2017, Noer Dessén, ISBN 978-2-87351-340-5).

Ratournaedjes e walon

Li prumî ratournaedje e walon, c' est l' ci da Jeanne Houbart-Houge. Li live, titré «Li p'tit bout d' tchike » a rexhou ås «Marsu Productions» e 1989 (ISBN 2-907159-03-8).

Adon, end a deus da Paul-Henri Thomsin.

• «D' ene fiesse a l' ôte» (rexhou ås «Marsu Productions», 1996, ISBN 2-908462-75-3)
• «C' est mes condjîs a mi» (eplaidî ås «Noer Dessén», 2020, ISBN 978-2-87351-371-9)