Raboulets (gazete éndjolike)

Èn årtike di Wikipedia.
(Redjiblé di Rabulets (gazete))
Potchî a: naiviaedje, cweri
rexhowe do 11 di djun 2000, avou on dessin erotike
Pådje l° 82 (djun 2000) avou des caricateures da Joëlle Milquet, Johan Vande Lanotte eyet Elio di Rupo

Raboulets ki si scrît "RABULèTS", c' est ene gazete éndjolike e walon ki ride dissu l' Arincrin, adjinçnêye di José Schoovaerts.

C' est l' seule gazete éndjolike k' a måy vudî e walon.

Elle a stî lomêye ene miete tot prindant l' contråve del divize des Relîs namurwès, "waire mins bon", et l' imådje do raidje ki n' leye passer kel bon grin. "Rabulets", c' est les raboulets : çou ki n' våt rén et ki dmeure sol raidje, et k' i gn en a toplin.

Ele s' a edåmé e 2000 avou des tecses dissu bråmint des sudjets. Inte di zels, les dierinnès noveles so les politikîs bedjes.

Gn a del prôze nén racontrece, des belès letes et des bindes d' imådjes a shuve. C' est eto li seule gazete e walon k' eplaide bråmint des istweres erotikes, avou des dessins k' alént avou.

Di 2000 a a 2003, elle esteut emilêye a ene lisse di lijheus, tos les deus troes djoûs.

Ele s' a s' rapåjhi ene miete e 2004-2005.

A cmincî do moes d' djulete 2006, elle a rispité avou des bindes d' imådjes eplaideyes so des waibes u sol forom éndjolike "Berdelaedje'.

Li rvowe "Rabulets" a eto eplaidî cwate calindrîs éndjolikes, po 2001, 2002, 2003 eyet 2007.

Totes ses årtchives sont wårdêyes so des waibes.

Sacwants bindes d' imådjes eplaideyes so Rabulets[candjî | candjî l' côde wiki]

  • "Les sovnances da matante Meliye" (2000)
  • "Les enikes di l' istwere" (BD po ls efants sol guere di Trwè, 2000)
  • Gn a-t i co des capucetes ? (BD po ls efants, 2000)
  • Ça tchåfe å mitan des nives et des glaeçons (BD po ls efants, 2000)
  • "Noersipene" (live d' imådjes po ls efants, 2001)
  • "L' Avesprêye" (shûte di So l' Anuti da Lorint Hendschel) (2003)
  • "Après l' avesprêye, li nute s' a stindou" (2005)
  • "L' avesprêey tcheyowe, i fwait tot noer" (2006)
  • "El Novele idole" (tecse da Nietsche) (2006)
  • "Li moirt k' est volontaire" (tecse da Nietsche, 2006)
  • "Machiavel" shûvu pa "Stirner" (2007-2008)
  • "Lao-Tseu","Shakbar" èt "Descartes" (2009)
Prumî ramèchanedje Rabulèts(2000)
Prumî ramèchanedje Rabulèts(2001)

Li walon des Rabulets[candjî | candjî l' côde wiki]

So beacôp des pådjes des Rabulets, i gn a di scrît, padzo :

2001 : "On saye di continuwer à tot comachî…" (on saye di continouwer a tot comaxhî)
2001 : "On a sayî d’ continuwer à tot comachî… èt on s’ ritrove dins do rfondaedje ?" (on saye di continouwer a tot comaxhî, et on s' ritrove dins do rfondaedje ?)
2002 : "A môde di rén, on comache dispû d’pus d’ 432 pâdjes ! Faléve-t-i l’ fé ? Aloz sawè !" (A môde di rén, on comaxhe dispu dpus d’ 432 pådjes ! El faleut i fé ? Alez sawè !)
2004 : "I n’ vos faut nén vos èwarer, on comèle èt maxhe todi lès moudêyes di sicrîjhaedje" (I n’ vos fåt nén ewaerer, on comele et maxhî todi les modêyes di scrijhaedje)
2007 : Ostant l' sawè : « M’ linwaedje èst linwaedje do peûpe ; dji djôze tro grossîrmint èt tro tchådmint po lès fèrlukèts, mins m’ parole shène co pus drole, ètranje auzès sicrîjheûs èt aus nwaerixheûs d’ papî. M’ mwin è-st-ène mwin d’ sot : maleûr à totès lès tauves èt à tos lès meurs, èt à tot c’ki pout lèyî ène plaece à dès ornèmints èt à dès grabouyaedjes di sot ! » (A l' après d' Nietzsche, "L’ èsprit d’ pèzanteû")

Hårdêyes difoûtrinnes[candjî | candjî l' côde wiki]