Rampioûle ordinaire

Pol discramiaedje des årtikes avou l' mot « rampioûle », loukîz cial.

Rampioûle ordinaire (Clematis vitalba)

grinnes avou leu ploumas

Li rampioûle ordinaire u rampioûle des håyes, c' est ene plante, foirt corante ki gripe dins les håyes et les åbes.

Sincieus no d' l' indje : Clematis vitalba

Discrijhaedje

Elle est disk' a 20 metes longue.

Elle a des ptitès blankinassès fleurs (e moes d' djun et djulete el Walonreye), ki dnèt des grinnetes avou ene tieslote di boubou, ki volèt åjheymint evoye.

Ses foyes sont compôzêyes.

Vinaedje

Ele vént pus voltî ezès plaeces metowes a l' ombrire, a l' orire des frexhs bwès, et dins les håyes.

Siervaedje

Les efants fumént s' bwès (did la l' lomaedje «bwès d' toubak»).

Les bribeus s' è frotént les djambes, çou ki lzî dneut des bouyetes, po fé awè pitié. Did la li lomaedje «yebe di gueus», «yebe di bribeu»

Ses foyes sont do pwezon.