Raparexhaedje di l' Aviedje

Èn årtike di Wikipedia.
Sauter à la navigation Sauter à la recherche
Posteure di Notru-Dame di Biarin a Biarin

On raparexhaedje di l' Aviedje u ene aparucion del sinte Viedje, c' est ene creyance di sacwants catolikes come cwè l' Aviedje Mareye åreut raparexhou a des djins (todi des efants (a-z aveuri)), aprume al fén do 19inme sieke, kiminçmint do 20inme sieke.

Èn efant k' a veyou l' Aviedje est lomé veyeu ou veyant.

Ricnoxhance del creyance[candjî | candjî l' côde wiki]

Li creyance est acceptêye pa l' Eglijhe catolike, mins ci n' est nén on doke.

Sacwants leus d' raparexhaedje[candjî | candjî l' côde wiki]

el Walonreye[candjî | candjî l' côde wiki]

El Walonreye, les raparexhaedjes si pasnut tertos e 1932 et 1933.

el France[candjî | candjî l' côde wiki]

El France, l' Aviedje a raparexhou a Lourdes, a ene biedjresse lomêye Bernadette Soubiroux.

e Portugal[candjî | candjî l' côde wiki]

Å Portugal, gn a on rlomé perlinaedje a l' Aviedje di Fatima.

el Crowaceye[candjî | candjî l' côde wiki]

El Crowaceye, on perlene a Notru-Dame di Medjogorje.

Corwaitaedjes des aparucions d' l' Aviedje[candjî | candjî l' côde wiki]

El Beldjike, on est ene miete sibarés ki l' Aviedje n' a nén aparexhou el Flande. Est ç' a mete e rapoirt avou l' fwait ki, di ces trevéns la, l' eståvlixhmint catolike esteut bråmint ås mwins des francès-cåzants ? Oubén est ç' ki les gazetes francesses cåzént toplin do canonijhaedje da Bernadette Soubirous ki va ariver oficirmint li 8 di decimbe 1933.

Ôte tchoi : kimint s' fwait i ki, ni a Baneu, ni a Biarin, l' Aviedje n' åye djåzé e walon, dabôrd ki les djins des viyaedjes, adon, cåzént a 95 åcint e walon. A Lourdes, elle åreut djåzé occitan. Mins el Walonreye, li walon esteut loukî come eriré pa les cis k' avént stî e scole (dabôrd, les evekes et cardinås).[1]

Sacwants catolikes ont-st eto doté des raparexhaedjes di Biarin et d' Baneu paski les efants k' årént veyou l' Aviedje ni s' ont nén fwait curés u beguenes. Les dierinnès paroles da Mariette Beco, li veyeuse di Baneu. « Dji n' esteu k' on messaedjî tcherdjî di rmete on messaedje. On côp l' messaedje rimetou, li messaedjî n' a pus nole impôrtance ».[2]

Sourdants[candjî | candjî l' côde wiki]

  1. Jean-Pierre Dumont L' Aviedje : ene feme di scrinî si grandiveuse k' ele ni voleut nén djåzer walon ? Li Rantoele 30, esté 2004.
  2. Wikipedia francès