Rifôrme di l' Estat Bedje

L' Estat Bedje a, disk' enute, kinoxhou shijh rifôrmes di l' Estat. L' adierça d' ces rifôrmes la, c' est d' fé del Beldjike èn Estat federå (al plaece d' èn Estat unitaire come li Neyerlande) eyet dvizé e troes redjons yet troes kiminåltés.

Li Lambermont, c' est l' måjhon då prumî, ubén del prumire, minisse bedje.

Lisse

• 1970-1977 : prumîre rifôrme ; askepiance des troes kiminåltés tuzançreces.
• 1980 : Deujhinme rifôrme ; askepiance des deus prumirès redjons (li Redjon walone eyet li Redjon flaminde). Li Redjon d' Brussele aveut stî metou e-n åtchete. Tot rwaitant les kimnåltés, elle ont pierdou l' sinse « tuzançrece », veyånmint k' elle avént rçuvou pus d' povwer dins des ôtes dominnes.
• 1988-1989 : Troejhinme rifôrme ; askepiance del Redjon d' Brussele.
• 1993 : Li Beldjike est divnowe pindant cist anêye la, èn Estat federå erîlé.
• 2001-2003 : Acoird di Lambermont.
• 2011-2012 : Disrebanaedje di l' arondixhmint BHV.

Prumî årtike del Constitucion

Padvant 1993

• "La Belgique est divisée en provinces. Ces provinces sont : Anvers, le Brabant, la Flandre occidentale, la Flandre orientale, le Hainaut, Liége, le Limbourg, le Luxembourg, Namur, sauf les relations du Luxembourg avec la Confédération germanique." ([WA] Li Beldjike est divizêye e provinces. Ces provinces ci sont : Anverse, li Braibant, li Flande coûtchantrece, li Flande levantrece, li Hinnot, Lidje, li Limbork, li Lussimbork, Nameur, ecsepté les hants do Lussimbork avou li Confederåcion djermanike.)

Dispoy 1993

• "La Belgique est un État fédéral qui se compose des communautés et des régions." ([WA] Li Beldjike, c' est èn Estat federå avou des kiminåltés eyet des redjons.)