Rima ås ptits nos
On rima ås ptits nos, c' est èn arimé, avou des foirt courts vers, ki fwaiynut rimer ene tote coûte fråze, pa côp sins viebe, avou on ptit no.
I s' fwaiynut voltî avou des ptits nos walons.
Egzimpe di rimas ås ptits nos e walon
[candjî | candjî l’ côde wiki]
- Kéne afwaire, Houbert
- Iy! Meliye !
- N' a rén ki broûle, Rawoûl !
- Disk' a pus tård, nonård !
- Elle est kine, Bertine !
- T' es trop ptit, Hinri !
- T' as ene bele tchance, Merance !
- Disk' a dmwin, Firmin !
- S' i fåt, i fåt, Linåd !
- Louke a tes djonnes, Polône !
- Fonce, Alfonse !
- Ké bazår, Djåspår !
- Pus vite, Dadite !
- C' est on macté, Bernabé !
- Kéne måle, Tchåle !
- Kéne biesse, Nenesse !
- T' es-st èn ome, Lolome !
- Ki t' es bele, Adele !
- Dimane trankile, Camile !
- Ké laid piou, Aernou !
- T' as bourdé, Doné ![1]
Ôtes egzimpes
[candjî | candjî l’ côde wiki]- Pinse tu, Lulu ![2]
- Distinkioz, Bruno !; distinkyîz, Meliye ![3]
- Mondju todi, Louwis !
- Djusse, Ogusse ![4]
Egzimpes e francès
[candjî | candjî l’ côde wiki]- Relax, Max
Sourdants
[candjî | candjî l’ côde wiki]- ↑ P.H. Thomsin; Tchaeke si gosse; divins Bulletin wallon, moes d' avri 2005.
- ↑ Emile Pècheur, Li Rantoele, bontins 2008.
- ↑ Lucyin Mahin, Arimés sins mirlifitches, 2007, nén eplaidî.
- ↑ oyous pa Uzeu:Lucyin.